MATTHEW 25:40 - Sumi Naga CL (Re-edited) Bible (BSI)

⁴⁰ Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

BAIBEL (BSI)

⁴⁰ Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

Sümi Tiqhelimi Bible

⁴⁰ “Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

MATTHEW 25:40 Iomraidhean Croise

SAMUEL AKINIU 9:1

David no pi, “I no Jonathan ghenguno kikimiye pephe tsünike Saul lagha lo khuana itaghi ani kema?”

SAMUEL AKINIU 9:7

David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

KUKAMI AKINIU 4:10

Nikujo kunguu jolha lo achebo aghulo lakhi kuto tsüno alüpa, akibepu, alakhü, eno akulu kutope qhitsüni, tishianguno pa no ni xuju ighi kelo tile ngopeni.”

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

JEREMIYA 39:17

Ikemu tipau tsala lo I no o xaphelu nani, ipi Ampeu no sheshu ani, o pesü nono msa akemi u lo süvetsü monani.

MATTHEW 10:40

“Khukhumu nongu ikhilu keu ye ni ikhilu ani, eno ni ikhilu keu ye I puwu keu ghi ikhilu ani.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 25:39

Kughou no ningu ye nono küsükini shi momu akughuki lo akeu ithulu no o pütsa ighi kea?’

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

MATTHEW 28:10

Jisü no panoqo vilo pi, “Msa kevilo; wulo eno I thiküzümi vilo Galilee lo wulo pilo, eno tilano panongu no ni ithulu nani.”

Mark 9:41

Kuchou no I no nongu vilo piani, nongu no Khristo laumike ghenguno khuu no azü ajukhu lakhimu nongu piyeni keno, pa saxü ye kiu gholau nomu pühave monani.

Luke 19:38

“Ampeu je lono akükau khuu cheni keno Alhou no kümgha tsülo! Kungugha lo iqüghai eno kungugha kiqhe lo ajekipi shilo!”

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 5:30

kughengu ningu ye pa phimpi lo kihimpemi ke.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 John 4:20

Khuana no, “Ni ye Alhou kimiye cheni” ipi no pa thiküzümi mithi cheghi aye, pa ye kimkimi; kughengu khunono pa no ithulu chekeu thiküzümi kimiye chemo keno, pa ye ithulu chemo keu Lhou kimiye mlae.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.