MATTHEW 25:37 - Sumi Naga CL (Re-edited) Bible (BSI)

³⁷ Tileno achipikaluve keqo no pa khochile nani, ‘Ampeu, kughou no ningu ye nono müzüthi akeu ithulu no o kughulhu, momu nono tüghüthi akelo yekepu o tsü kea?

BAIBEL (BSI)

³⁷ Tileno achipikalu cheqono ishi pa khochile nani, ‘Ampeu kughono nono muzuthi aghikeu nino ithuluno okughulhu; momu nono tughuthi aghino yekepu otsu kya?

Sümi Tiqhelimi Bible

³⁷ “Tile no amikuchomiqo no pa khochile nani, ‘Ampeu, kughou no ningu ye nono müzüthi cheghi keu ithulu no O loji, momu tüghüthi cheghi no kiuala ye kepu O tsülu kea?

MATTHEW 25:37 Iomraidhean Croise

YEKIKITHI ATUGHIU 29:14

“Ikemu ni ye khuue pi eno Iw timiqo ye kiue pi ningu no hi kutolo puloniqhiyi O mlla kulupu shi kea? Kughengu thime kümtsü O launo ighi cheni, eno ningu no Ow pesü O tsüchileve ani.

AHOLE 15:33

Ampeu sükümsa ye alokütsü kükütsütsa ke, agigihu ithulu mphi züuno aqhokigheu shimasae.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

MATTHEW 25:36

I no aphikümsa shi akelo nongu no aphimini I puu, I no küsükini shi akelo nongu no I tucho, I no akughuki lo akelo nongu no I pütsa ighie.’

MATTHEW 25:38

Kughou no ningu ye nono inami shi akeu ithulu no ningu kilo o sasü, momu nono aphikümsa shi akelo aphimini o puu kea?

MATTHEW 5:6

“Achipiu mikucho ghenguno khunono müzü tüghü cheni keno akümghapue, kughengu panongu ye aghaqi qhiyilu nani.

MATTHEW 6:3

Ikemu kughou nono aveküsami kuphuni keno, o u ajeu no kiu shiani keno o u piyiu pelo ithipe kevilo,

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.