MATTHEW 25:10 - Sumi Naga CL (Re-edited) Bible (BSI)

¹⁰ Panongu no qhü wuve kelono külapuu ighive. Ilimi pungu kutope akeqo ye pa sasü külakupu ghulhu lo ilove eno ahukikha khave.

BAIBEL (BSI)

¹⁰ Ikehu panonguno amizu qhuwuniye wuve kelono kulapuu hu ighive. Ilimi pungu khunoqono kutope akeno panonguye pa sasu kulakupu ghulhulo ilove eno ahukikhaye khave.

Sümi Tiqhelimi Bible

¹⁰ “Ikemu kughou panongu no thazü qhü niye alà lo wuche keno, külapuu ighive. Ilimi kutò pe khe akemiqo ye külapuu gholo no külakupu ghulhu lo ilove. Eno ahukikha khathasüluve.

MATTHEW 25:10 Iomraidhean Croise

BOTHUBO 7:16

Lhoxü jeli khipaqo atsü-aqu kiqi lono ilo keno tipaqo kümtsü Alhou no azah Noah tsükeu kiqi lonoke. Tishino Ampeu no pa khatha süve.

LESHELE 95:11

Tighenguno I loghu lono I no tushoqhive, “Panongu ye I kulhokiqhi-a lo ilolumo nani.”

MATTHEW 24:42

Tighenguno kutope khelo, kughengu kiu tsala lono nongu Mpeu ighi nani keno nongu ye mthae.

MATTHEW 24:43

Hi ithilo, aki mpeu no putho lo kiu ghuloki lono küpkami ighi cheni keno ithike aye, küpkami pelo pa ki hepho iloghi pemoni ke pa ye kheani cheke.

MATTHEW 24:44

Tighenguno nongu ghi kutope khe masae, kughengu Timi Nu ye nongu no huqhe moke ghuloki lono ighini cheni.

MATTHEW 25:6

Ikemu zübumta lono ashekushu sütsa chilu, ‘Külapuu hi cheae! Ipeghi no pa sasü kusholu lo.’

MATTHEW 7:21

“I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

Luke 12:35

“Aphimini kutokughoi pepusü akulu küqüpe khelo,

Luke 13:25

Kughou aki mpeu no ghuthu lakhi ithu aki khaveni keno, nongu khalau puthugho akeqo no ahukikha kukhu no, ‘Ampeu, ni khaqhi sülo,’ ipi anamu, pa no nongu khochile nani, ‘Ni ye nongu no khilau no ighi ani keno mthae.’

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Piyeküsü 19:7

Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!