MATTHEW 24:31 - Sumi Naga CL (Re-edited) Bible (BSI)

³¹ Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

BAIBEL (BSI)

³¹ Afuko ghugha kije igha nani, pano pawu kungumi ayeghi cheku bidi kutolo puwu nani eno ayeghi shekha halau lono halau kutolo kisheluvekemi panonguno hekutsu nani.

Sümi Tiqhelimi Bible

³¹ Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

MATTHEW 24:31 Iomraidhean Croise

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 67:7

Alhou no ni kümghatsü nani; ayeghi shekha kutolo Pa sümsa lo!

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

IPEKULU 19:16

Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 13:5

Ampeu eno Pa loghu ghünanu ye ayeghi qhoi kütsapinyive tsünike tsütsü-yeghi bouno cheni.

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 43:6

I no ahuumi vilo, Phevelo, ipi nani eno apeumi vilo, Khatha püa kevilo, ipi nani; I nuli putou akeqo saghilo, I ngaqo ayeghi shekhauno saghilo,

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

ISAIAH 60:4

Nongu nhethi no pishipuwo julo; panongu kümtsü hekütsü no nongu lau cheni; no nuliqo ye putou no ighi nani; eno nongaqo ye xapu ighi nani.

DANIEL 7:2

Daniel no asheshu, “Putho lo Iw kungunhetsü lono I no ithulu, julo, atsütsü mülhü bidi no azüghi kije fukucho aghi.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.

ZEKHARIA 6:5

Kungumi huno I khochile pi, “Hipaqo ye ayeghi kümtsü shou Ampeu zülo ipeghi piyeve kethiu atsütsü lo ako bidi mülhü süvelau wuve nani.

ZEKHARIA 9:10

I no Ephraim launo khurkulu eno Jerusalem launo aghükishi khurshi ikhive nani; aghüshi shexilika ikhive nani, eno pa no shiyeqo lau külakishi tsa pi nani; pa yekipe no azüghi lono azüghi kutolo eno Aghoki lono ayeghi shekha kutolo shinani.

ZEKHARIA 9:14

Tileno Ampeu no panongu lau ipeghi nani, Pa piji no tsütsüpha toi ighi nani; Ampeu Alhou no afuko küigha nani eno apeu miyitsü lono ighi nani.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:32

“Mububo launo shika lulo: tipa loka no apishe ipeghi püzü anipa mini ipeghive kemtsa mütsü tusho cheae pi nongu no ithive cheni.

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Mark 13:27

Pa no paw kungumi puwu no ayeghiqha kobidi lono, eno atsütsü ngo ayeghi shekhau no paw kishekiphemi hekütsü nani.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

1 Kor. 15:52

pai anhekütsü khavi, afuko ashekhau igha kemtsa ningu kümtsü kilive nani. Kughengu afuko igha nani, kithimi pesü thi kithemo kepushi xüputhuve nani, eno ningu ye kilive nani.

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

ZAKINIU 30:4

Nongu hape ayeghi cheku lo puwuve aghimu tilauno Ampeu nongu Lhou no nongu sawo hekütsü nani.

ZAKINIU 4:32

“Wove keu tsala lo nongu punu mphilo tsalaqo lhejulo, Alhou no ayeghi lo timi lhoke tsala lono ishi kutolo lhekide julo, eno kungugha halau no halau kutolo lhejulo, khilemu hitoi ke kümla kije shipüani kemo kea, momu chilu püani kema?

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

2 Thes. 2:1

Ni Mpeu Jisü Khristo ikighi eno ningu no Pa gholo kumqoni keu vehulo nino nongu qhüiniju ani athiküzümiqo,

IBRIMI 12:19

eno afuko ghügha ngo asütsa khikhi chikulumi no pano pütsa pemoni ke qhüiniju keno ti chilu mphie.

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 7:1

Hipa thiu kungumi bidi no ayeghiqha cheku bidi lo puthugho no ayeghi lo ako bidi mülhü sünhe chilepe aghikeu I no ithulu, ti ye ayeghi momu azüghi eno asübo shou kiumu mülhü puku pemo niye ke.

Piyeküsü 8:2

Tileno kungumi tsüni khunoqo Alhou zülo acheni keno I no ithulu, eno afuko tsüni pesü panongu tsü.