MATTHEW 24:14 - Sumi Naga CL (Re-edited) Bible (BSI)

¹⁴ Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

BAIBEL (BSI)

¹⁴ Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

Sümi Tiqhelimi Bible

¹⁴ Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

MATTHEW 24:14 Iomraidhean Croise

EZEKEL 7:10

“Atsala hu julo! Julo, ti ye ighivae! Nongu kütsakungo keu tsala ighivae; aqheküsü ye puipeghivae; aqheküza ye mini ipeghivae.

MATTHEW 10:7

Nongu no wuche kelo ishi sheshu lo, ‘Kungugha yekipe ye kupunu khoivae.’

MATTHEW 18:19

Itaghi I no nongu vilo piani, ayeghi lo nongu gholo mikini no kiu kiumu pulo küqha no inikhu aye, I Pu kungugha lo akeu no ti shitsü nani.

MATTHEW 24:3

Jisü no Olive Toghi lo iqa akelo, akhopemi no lomoshi ighi no pa vilo pi, “Kughou no hipaqo shinani eno no ikighi lo ngo tiqheli shekuho lo kiu michipu anani keno ni vilo pitsü nima?”

MATTHEW 24:6

Nongu no aghükishi eno aghükishi sütsa veküpha keu chilu nani, ikemu thüghüi kevilo. Kughengu hi ye ighi masae, ikemu ashekuho ye kumphie.

MATTHEW 4:23

Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

MATTHEW 9:35

Jisü no aphughi eno aphu kümtsü lo wuno sinagog lono timiqo kütsü eno kungugha yekipe tsakiviu pesü sheshu no aküsü ghime jeli kümtsü shipivi tsüe.

Mark 13:10

Atüghüshi atsakiviu pesü shiye kümtsü lau sheshu masae.

Luke 2:1

Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu.

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Luke 4:5

Tüghami no akuchuqu-a lakhi lo pa saiku no anhekütsü khavino ayeghi lo kükaqha kümtsü pa piye,

Apostolmi 1:2

pa no kishelu kemi Apostolmi lau Aghungu Kimthe vecheo azah tsüve kethiu, kungugha lo pa saikuve keu tsala kutolo.

Apostolmi 11:28

Panongu gholo Agabus ipikeu no puthugho no ayeghiqha kümtsü lo püqümiye kije chenie pi Aghungu vecheo pichho tsü (hi ye Claudius ghuloki lono shikupuve).

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Apostolmi 17:6

Ikemu kughou pama phumlave keno, panongu no Jason ngo athiküzümi khami sünhe sasü mishighüna yepemi zülo wuno ighamku pi, “Ayeghiqha pesü akütsü no aqhoshi tsü kemi hilau ghi ighivae,

Apostolmi 19:27

Kümsapu akeu ye niw lhidi je küsapu likhi kumono, Artemis lholiu akijeu chineki ghi kiumu kumoveni cheni, eno Asiami ngo ayeghiqha no mlla chekeu li huye ajekipi-a lono ikiqiveni chenie.”

Apostolmi 20:25

I no ithi anike nongu khunoqo lau I no Alhou yekipe sheshuve akeno, itehi ye khilemu I ju ithulumae.

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

IBRIMI 1:6

Itaghi, kughou Alhou no ayeghi lo Pa Nu anoghiu puwu keno, Pa no pi, “Alhouw kungumi kümtsü no Pa mllalo.”

IBRIMI 2:5

Alhou ye kungumi pelo ighini keu yeghiqha, khipa ghili ningu no kügha ani keno, tipau shou yepemi shi penike qhipüa moe.

Piyeküsü 14:6

Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.

Piyeküsü 16:14

Kughengu hipaqo ye tüghaküsa ghawu, amchipu kümla ghi shiche keqoe, hipaqo no Alhou Akughushuu tsala kije lo aghü küpüghüni ke ghenguno akuaqha kümtsü lo kükami akeqo hekütsü süghi niye wuve.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.