MATTHEW 23:37 - Sumi Naga CL (Re-edited) Bible (BSI)

³⁷ “O Jerusalem, Jerusalem, tungkupmi pithive tsü chekeu eno aghinimi khunoqo puwuni keno atu pesü veqhive tsü chekeu phughi! Awu aza no achishibo qholo atiqo hekütsü no vape ketoi ni ghi ghuthu khijeta o tianuli hekütsü kumqoni shi chekela, ikemu nono pulomoe!

BAIBEL (BSI)

³⁷ “O Jerusalem, Jerusalem! nono tungkupumi pithivetsu eno aghinimi olau puwukeqo atupesu veqhivetsuke! Awuquno achishibo qholo litiqo vakutsulu keshi ghuthu khijejehi niye owu timiqo ilau hekutsulu nishi acheni kya?

Sümi Tiqhelimi Bible

³⁷ “O Jerusalem, Jerusalem, no khuu tungkupumiqo pìthíve eno O lau puwu kemiqo atu pesü veqhive keno, awuqu no li chishibo qholo atiqo vakütsü ake toi, ni ye ghuthu khijehi O nuliqo hekütsü nishiqhiyi acheni kea, ikemu nono pulomoe.

MATTHEW 23:37 Iomraidhean Croise

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

LESHELE 17:8

I pesü O nhethe lo anhekiyighi shi qhitsülo; O chishibo qholo I peküsü tsülo,

LESHELE 36:7

O Alhou, Ow iqemokeu kikimiye ye kishi akughupu kela! Timi jeli no O chishibo qholo ijelue.

LESHELE 57:1

I kimiyeqhiyi tsülo, O Alhou, I kimiyeqhiyi tsülo, kughengu I ngulho no No ije cheni; kütsakungo keu pasapagha no katha wuve moke kutolo O chishibo qholo I no ijeluni.

LESHELE 63:7

kughengu Nono I kuphu ighive ake O chishibo qholono I no alovi ale pheni.

LESHELE 91:4

Pa no Pa chishibo pesü o nhaluve nani; eno no ye Pa chishibo qholono sükusho ithulu nani; Paw pükhükulu ye azüto eno süshoyi ke.

ISAIAH 5:4

I tsailu ghenguno shikulupu hinguno alau I no shimove keu kiu ani kea? Kushiye I no atsaithi kivi huqhe akelaye akiqhiu xolu kepu shive kea?

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 26:23

eno Egypt lono Uriah küghaluve no Akükau Jehoiakim lau saghi, tishino azütakikihi no pa ghiqhive eno pa kumo ye aqha timi qhoche keu-a lo qhove.

JEREMIYA 32:31

Mishighüna hipau ye shiqheke tsala lono ishi kutolo I mlokighide eno aloghu xukutho tsüe, tighenguno I no I zülono ikhive nani,

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 36:26

Akükau no kükapuu Jerahmeel, Azriel nu Seraiah, eno Abdeel nu Shelemiah pelo akiyeu Baruch eno tungkupu Jeremiah küghaluve penike azah tsü, ikemu Ampeu no pama küsüve.

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

JEREMIYA 6:8

Kütü keu lulo, O Jerusalem, tikumo aye I no o launo tsüghüve nani, o küghape pighive no küghüna mokeu yeghi shive tsü nani.”

HOSIYA 11:2

Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

HOSIYA 7:13

Panongu hasapue, kughengu pano ye I launo kauvae! Panongu kütsave nani, kughengu panongu no I hebidevae! Ni ye panongu xachile lunishi anamu panongu no I shou akimki tsa pichenie.

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

MATTHEW 22:3

Pa no kuküsümi kusaghi penike pa qemi puwu, ikemu panongu no ighini shimove.

MATTHEW 22:6

eno kütami no pa qemi tsüqüpe peitha püsa eno pithivetsü.

MATTHEW 23:30

no picheni, ‘Nino ni puasüqo ghuloki lo xüaghi keaye, ningu ye pano gholono tungkupmi pithi moni cheke.’

MATTHEW 23:31

Ikehu nongu ye tungkupmi ghikiqhimi nuli kepi nongu ampi no thopi shi ani.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

Luke 15:28

Ikemu pa ye amloideve no aki aloumu ilo move. Apu no ipeghi no pa ghozü,

1 Thes. 2:15

Jewmi no Ampeu Jisü eno tungkupmi ghiqhive, eno ningu hapheve, Alhou pulou kumo shive, eno timi kümtsü ghümi shino

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

RUTH 2:12

Nono kiu mlave akeno Ampeu no lochile peni, eno Israelmi Lhou Ampeu, khuu chishibo qholo nono itshü luniye ighive akeno Pa pelo asaxü kuchopu o tsü peniu!”