MATTHEW 22:11 - Sumi Naga CL (Re-edited) Bible (BSI)

¹¹ “Ikemu kughou akükau no inami juniye iloghi keno, pa no tile timi lakhi külakupu phimini pepumo no akeu ithulu.

BAIBEL (BSI)

¹¹ “Akukauno inamiqo juniye iloghi, eno tilehi timi lakhiye kulakupulo ukeu phimini pepumono aghikeu ithulu.

Sümi Tiqhelimi Bible

¹¹ “Ikemu kughou akükau no inamiqo ju niye iloghi keno, tilehi timi lakhi ye külakupuw tiphiminiqo pepu aghimo keu pa no ithulu.

MATTHEW 22:11 Iomraidhean Croise

KUKAMI AKINIU 10:22

Pa no Baal kümllami phimini shou ampeu shi akeu azah tsü, “Baal kümllami kümtsü ghenguno aphimini ikhiphe lo.”

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,

MATTHEW 13:30

Ghile tomoke kutolo küma kümtsa thuwu aghi pelo, eno ghile ghuloki lono I no ghilemi vilo pini, “Atüghüshi alupiqo nhüpe piti nike piqhe khavelo, ikemu athi thaqhü no pewo I lelo sülo.”’”

MATTHEW 22:10

Aqemi tipaqo no alaghila lo wuno sholuke thaqhü akivimi alhoksami kümtsü kusaghi. Ikehu külakupu-a ye inami no chhitoive.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 5:3

kughengu ti pepuve aye, ningu phikümsa ithulumo nani.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.