MATTHEW 21:41 - Sumi Naga CL (Re-edited) Bible (BSI)

⁴¹ Panongu no pa khochile, “Pa no akithi kijiküsa pesü küsaküghami tipaqo tsü nani, eno atsailu pesü mishikulumi khunono axathi xoluke tusho lo asaje achipishi pa tsü nani keno tipaqo pichive nani.”

BAIBEL (BSI)

⁴¹ Ikelo panonguno ishi pa khochile, “Pano tipanoqo pesu akithi kiji-kusashi pithive nani, eno atsayilu pesu mishi-chichekemi kutami pichive nani, tipaqono axathi xoluke tusholo pa saje achipishi tsu nani.”

Sümi Tiqhelimi Bible

⁴¹ Panongu no ishi khochile, “Pa no ahaküsamiqo shou ahaküsapu shi pìthíve nani, eno pa no atsailu pesü mishichi chekemi kütamiqo pichíve nani, eno tipaqo no ghile hu ke ghuloki lo tüxatini pa saje tsü nani.”

MATTHEW 21:41 Iomraidhean Croise

LESHELE 2:9

Nono ayiküsü pesü panoqo ghaqhi nani eno ayeghi li kuboke toi panoqo vepho pinyi nani.”

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

ZEKHARIA 12:12

Ayeghi no mloqa nani, pütüta kibo lo mloqa nani: David laghami kütashi, pano nipuqo kütashi; Nathan laghami kütashi, pano nipuqo kütashi;

ZEKHARIA 13:8

Aqokitikhi Mpeu no asheshu, ayeghi kikije küthü lo kini ye kütsave no pühave nani, eno aküthüu likhi no xülu nani.

MATTHEW 21:34

Atsaithi xoluke tusho touve kelo pa no mishikulumi launo pa saje süghi penike pa qemi puwu.

MATTHEW 21:40

Tishiaye, kughou atsailu mpeu no ighi keno, pa ye mishikulumi lau kiu shinani kea?”

MATTHEW 21:43

“Tighenguno I no nongu vilo piani, nongu launo Alhou yekipe pewuve no tipa xathi pithini keu shiaye tsüve nani.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Luke 20:16

Pa no ighi no mishikulumi hupaqo pithive no alu pesü kütami tsüve nani.” Kughou timiqo no chilu keno ishi pi, “Tishimo nani!”

Apostolmi 15:7

Ighono kütsala juve kethiu, Peter no puthugho no panoqo vilo pi, “Athiküzümiqo, nongu no ithi anike püzüu nomu Alhou no I vecheo Jewkumomi pelo atsakiviu chilu no pülülu penike nongu gholono kishe ke.

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

Apostolmi 28:28

Tighenguno hi ithilo, Alhouw xakulu huye Jewkumomi lau puwuvae; panongu no chilu nani.”

Apostolmi 28:8

Publius papu ye aghakimki ngo ajiküba no süae. Paul no pa xuju wuno pa u chhope pa shou beno inikhu tsü püzü shipivive.

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.