MATTHEW 21:26 - Sumi Naga CL (Re-edited) Bible (BSI)

²⁶ Le ningu no, ‘Timi launo’ ipi aye, ningu ye aqokitikhi msae, kughengu kümtsü no John ye tungkupu lakhie piche ke.”

BAIBEL (BSI)

²⁶ Le ninguno, ‘Timi launo’ ipini keno, ninguye timi hijejehi akeqo musae, kughengu hipaqo kumtsuno Johan ye Alhou wu tungkupu lakhi kepi picheni.”

Sümi Tiqhelimi Bible

²⁶ Ikemu ningu no, ‘Timi lau no ighi,’ ipi aye ningu ye timiqo msàe, kughengu panongu kümtsü no John ye tungkupumi lakhi kepi thebei ithi ani.”

MATTHEW 21:26 Iomraidhean Croise

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

MATTHEW 11:9

Tishiaye nongu ye kiu juniye wu kea? Tungkupu keo? Iyei, tishi pütsae, I no nongu vilo piani, pa ye tungkupu kütami nguno akijeu ke.

MATTHEW 14:5

Herod no John pithiveni shiche kemu timiqo no pa ye tungkupu kepi kihiche, ikehu Herod ye msa cheke.

MATTHEW 21:11

Eno aqokitikhi no khochile, “Hi ye Galilee lo Nazareth lono ighikeu tungkupu Jisü huke.”

MATTHEW 21:25

John no baptiz shikeu küka ye khilano ighi kea? Kungugha lono keo, timi launo kea?” Tile panongu dolono küptsa kile thuve, “Ningu no ‘Kungugha lono’ ipi aye pa no ningu vilo, ‘Imaye nongu ye kushiye pa pülümo kea?’ ipini cheni.

MATTHEW 21:27

Ikehu panongu no Jisü khochile, “Ningu ye mthae.” Pa no panoqo vilo pi, “Imaye ni ghi kiu küka lono hipaqo shicheni keno nongu vilo pimoae.”

MATTHEW 21:46

Panongu no pa kügha niye pükapütsa kemu aqokitikhi msa ae, kughengu panoqo no Jisü ye tungkupu kepi kihi ake.

Mark 11:32

Ikemu le ningu no, ‘Timi launo,’ ipini keu ye kishimo,” kughengu timi kutomo no John ye kuchou no tungkupmi kepi kihiche kehu panongu ye aqokitikhi msa ae.

Mark 12:12

Jisü kipimi phu akeqo no pa no kimghikipiye pikeu ye panoqo shou pipuku akepi vethaluve no pa kügha luveni keu la phuae. Ikemu panongu ye aqokitikhi msave püzü pa qhive no wuve.

Mark 6:20

kughengu Herod no John ye amikucho eno akimthemi kepi ithiche eno pa süsho cheke. Kughou pa no John tsa chiluni keno, pa mlo hauve no ighono künachove che, tishi keghi amloqi qhiyi chiluche.

Luke 20:19

Ayezah shikükami ngo achinetomi no Jisü ye panoqo küla ghi kimghikipiye hipau pie pi vethalu keu lono tipa tüqhüdo lono pa küghaluve niye shiju kemu aqokitikhi msave.

Luke 20:6

Ikemu ningu no, ‘Timi launoe’ ipi aye, timi hipaqo no John ye tungkupmie piche kehu atu pesü ningu veqhiveni cheni.”

Luke 22:2

Achinetomi ngo Ayezah shikükami no kishi Jisü pithiveni keno tsaqüi kuchughua kughengu panongu ye timiqo msa ake.

John 5:35

John ye iqü akeu eno vüqai akeu kulu eno nongu no pa küvü lo ado hami alovini ke puloe.

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

Apostolmi 5:26

Tileno kepten no ghukhemi sasü wuno apostolmi saghi, ikemu anguka lono kumoe kughengu timiqo no atu pesü panongu veqhike msa ae.