MATTHEW 21:19 - Sumi Naga CL (Re-edited) Bible (BSI)

¹⁹ Alaghi phivilo mububo ithulu kehu pa no wu kemu tile anipa likhi thono kiumu küha. Ikehu pa no asübo vilo pi, “No ye khilemu athi pithi pemoniu!” Paikhavi mububo no thizümüive.

BAIBEL (BSI)

¹⁹ Ikelo alaghi phivilo khughubo lakhi aghikeu ithulu puzu pano tipau lau wujue, ikemu tile anipa likhi thono kiumu kuha. Ikehu Jisu no tipa-subo vilo ishipi, “Noye khilemu athi pithi pemoniu!” Paikhavino khughubono thizumuyive.

Sümi Tiqhelimi Bible

¹⁹ Alaphe lo mububo lakhi ithulu kehu, pa no tipau lo wuju ikemu tiye anipaqo likhi thono kiumu pithí aghimoe. Tile no Jisü no mububo vilo pi, “O pelo khilemu akiniù athi pithí pemoniu!” Ikelo paikhavi mububo hu no thizümüive.

MATTHEW 21:19 Iomraidhean Croise

ISAIAH 5:2

Pa no ti hokide no atu kicheve, eno atsaibo akiviu pesü shosü; tipau mta lo pa no aqoghe lakhi shiqhe no atu chhuthape atsaizü tughuko mla; pa no ghile khelho akelaye akiqhi tsaithi shiaghive.

JEREMIYA 8:13

I no panongu hekütsü kelo, Ampeu no asheshu, atsaibo lo atsaithi küha nani, mububo lo mubuthi küha nani; anipaqo ghi kimghoive nani, eno I no kiu panongu tsü keno pano launo süwuve nani.”

MATTHEW 21:20

Akhopemi no ti ithulupe akichiqhive no pi, “Kishino mububo ye paikhavi no thizümüive kea?”

Mark 11:14

Pa no asübo vilo pi, “Milakhi mu o xathi khilemu chu pemoniu.” Pa khopemi no ti chiluve.

Mark 11:20

Thanau inaqhe Jisü ngo pa khopemi no ala lo chekelo mububo huye akuhu kutolo thi-ilove aghi keu ithulu.

Luke 3:9

Itehimu amüghü ye asübo philo qhipüani. Tishikeu lono axathi kivi pithimo keu sübo thaqhü ye yeqhipe ami lo vesüve nani.”

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

John 15:6

Khunono I lau kimepe moni keno aloka lakhi toi ikhipe peve cheni eno thizümüive cheni; aloka tipaqo ye xukumqope ami lo vesü no pitive cheni.

2 Tim. 3:5

ju keloye Alhou sükümsami toi kemu Alhou küka milive kemi. Timi hitoi keqo launo putosü lo.

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Piyeküsü 22:11

Küsaküghami no küsakügha shi apelo, eno mithekumomi no mithekumo shi apelo, ikemu achipimi ye achipiu shialo, eno akimthemi ye akimthe shialo.”