MATTHEW 20:21 - Sumi Naga CL (Re-edited) Bible (BSI)

²¹ Jisü no li vilo iniju, “No ye kiu lunishi ani kea?” Li no khochile, “O yekipe ighi kelo I nu hi pama lakhi no o u ajeu eno lakhi no o u piyiu iqa penike piqhive tsülo.”

BAIBEL (BSI)

²¹ Jisu no li vilo ishi iniju, “Noye kiu lunishi ani kya?” Lino ishi khochile, “Oyehkipe ighikelo inu hi pama pelo lakhino o-u ajeu kudau eno lakhino o-u piyiu kudau iqape kepushi piqhive tsulo!”

Sümi Tiqhelimi Bible

²¹ “No ye kiu avehupu shi ani kea?” ipi Jisü no iniju. Ikelo li no khochile, “O kükaphu ighi kelo I nu hi pama pelo lakhi no O u ajeu eno lakhi no O u piyiu ishi iqalupe kepu shi pulove tsülo.”

MATTHEW 20:21 Iomraidhean Croise

KUKAMI ATUGHIU 2:19

Ikehu Bathsheba no Adonijah züqhushi pinike akükau lau wu. Akükau no li pütsani ke puthughove eno li zülo itsaqi. Pa no kükalakhü lo iqave no paza sala alakhü lakhi süghipe, eno pa u ajeu küghüqae.

KUKAMI ATUGHIU 3:5

Tipa ji Gibeon lo Ampeu no asamou no pa zülo ipeghi no pi, “I pelo kiu o tsü penishi ani kea?”

ESTHER 5:3

Eno akükau no li vilo pi, “Kiu kea, Kükaliu Esther? Nono qhüiniju akeu ye kiu kea? I kükaqha tüxa kutolo mu o tsü nani.”

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

LESHELE 45:9

kükami ngaqo no o gigihupu totimiqo gholo ani; o u ajeu kükaliu no Ophir meshoyi pepusü puthugho ani.

JEREMIYA 45:5

No ye o ghenguno akümzapu thime phucheni keshea? Ti phu kevilo, kughengu I no küxümi kümtsü shou kütsakungo keu süghini cheni ikemu no ye nono khile khile wunamu I no asaxü kumlhoshi o küxü süshotsü nani, Ampeu no sheshu ani.”

MATTHEW 18:1

Tipa tüqhüdo lo akhopemi no Jisü lau ighi no ighiju, “Kungugha yekipe lo khuu no akijeu kea?”

MATTHEW 19:28

Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

MATTHEW 20:22

Ikemu Jisü no khochile, “Nongu no kiu khu ani keno nongu ye mtha aphie. I no shoniye akeu jukhu nongu ye sholu nani keshea?” Pama no khochile, “Nikujo ye tishilu nani.”

MATTHEW 20:32

Jisü no ngove no pama ku püzü iniju, “I pelo nokujo ghenguno kiu shitsü penishi ani kea?”

Mark 10:51

Jisü no pa vilo pi, “No ye I pelo o ghenguno kiu shitsü penishi ani kea?” Anhecheu no pi, “Rabbi, ni ye ithulu kitheni shiani.”

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Mark 6:22

Kughengu Herodias nga no timiqo zülo ilhe kelono Herod ngo kuküsümi mlopiqive tsüke. Tileno akükau no anga vilo pi, “Nono kiu kiumu pulo keu I vilo khulo, I no ti o tsüni.”

Luke 18:41

“No ye I pelo o ghenguno kiu shitsü penishi ani kea?” Timi huno khochile, “Ampeu, ni ye ithulu kitheni shi ani.”

Luke 19:11

Timiqo no Jisü tsa hipaqo ini ake lono pa no kimghikipiye lakhi pikibe, kughengu Pa ye Jerusalem kupunu chea eno panongu no Alhou yekipe ye ke-i ighive niye ani küghashi kümsü ake.

Luke 22:24

Itaghi akhopemi dolo khuu no akijeu shikepu kelapi kütsala ipeghive.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

Apostolmi 1:6

Ikehu panongu no kumqope akelono pa vilo ighiju, “Ampeu, no ye hipa ghuloki lono Israelmi lau kükaqha tsüchile nani kea?”

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

Kolosiami 3:1

Tsala Khristo gholono nongu xüputhu püaghi aye, kungugha khile Khristo no Alhou u ajeu iqa ani keno, tilau thime akeqo shou nongu mlo belo.