MATTHEW 19:28 - Sumi Naga CL (Re-edited) Bible (BSI)

²⁸ Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

BAIBEL (BSI)

²⁸ Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

Sümi Tiqhelimi Bible

²⁸ Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

MATTHEW 19:28 Iomraidhean Croise

KUKAMI ATUGHIU 18:31

Jacob, khuu Ampeu no pa je Israel kutsü keno, pa nuliqo kiqi shi Elijah no atu chighikini ikhilu.

YEKIKITHI AKINIU 9:19

Abongshuu chighikini no anepa tsügho lo hula hila aphe lo qhike. Hitoi keu khuno kükaqha ghenguno mu mla püamoe.

EZRA 6:17

Alhou ki hipau ikhiphetsü kelo panongu no amshitsü 100, anetsü 200, ambe 400 pesü mlla, eno Israelmi kümtsü ghenguno axine kümllagho shi anetsü 12 mllae, ti ye Israel shiaye kiqi lono ke.

IPEKULU 15:27

Tithiu panongu no Elim, khilehi azüpuki chighikini eno amsabo lhotsüni ache keno tile ighi, eno panongu no azü phivilo aghazü shipe ngove.

IPEKULU 24:4

Moses no Ampeu tsa kümtsü yekütsüpe qhive. Pa no inaqhe itheno ithu no naghuto pukhu philo akümlla-khache shiqhe eno Israel shiaye chighikini kiqi lono atsükucho chighikini ghope qhi.

IPEKULU 28:21

Israel nuliqo je kiqi lono atu chighikini qhini. Tipaqo ye jedapu nguthi toi Israel shiaye chighikini ghenguno lakhikhi lo aje lakhikhi yepukuni.

ISAIAH 65:17

“Julo, I no kungugha kithe eno ayeghi kithe lhophe ani; wovekeu lo shivekeu kümtsü kümsümave nani momu akükümsü lo ighi move nani.

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

ACHINE 24:5

“Ashomkhu akiviu pesü ashopa chighikini mlalo, ashopa lakhikhi lo ashomkhu ahu kini no mlani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 19:27

Tile Peter no khochile, “Julo, ningu ye thokha kümtsü qhive no o pape cheni. Imaye ningu ye kiu ithulu nani kea?”

MATTHEW 20:21

Jisü no li vilo iniju, “No ye kiu lunishi ani kea?” Li no khochile, “O yekipe ighi kelo I nu hi pama lakhi no o u ajeu eno lakhi no o u piyiu iqa penike piqhive tsülo.”

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

MATTHEW 8:20

Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

Mark 10:37

Pama no pi, “O juküvü tsala ighi kelo nikujo lakhi no o u ajeu eno lakhi no o u piyiu iqalu penike azah tsülo.”

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

JOSHUA 3:12

Tighenguno Israel shiaye chighikini dolono timi lakhikhi kishelo.

2 Peter 3:13

Ikemu Paw pikiqhitsa kiqi lono ningu ye kungugha kithe eno ayeghi kithe khile achipiu mikucho ani keno ti khe anie.

Piyeküsü 11:16

Ikelo layemi muku bidi khunoqo Alhou zülo kükalakhü lo iqa acheni keno panongu no itsaqi agi no ayeghi daluve no Alhou mlla ghi

Piyeküsü 12:1

Tishino atsütsü lo amchipu kije lakhi ipeghi: totimi lakhi no khetsünhe pepu, apukhu no aqhi nepe no ayepu chighikini pesü dakeu kütsükuqho xapu aghi.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”

Piyeküsü 22:2

ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 7:4

Israel lagha chighikini dolo amichi shive kemi kikihi ye lakh lakhi qhethonhe lhobidi bidi kepi I no chilu: