MATTHEW 19:17 - Sumi Naga CL (Re-edited) Bible (BSI)

¹⁷ Jisü no pa vilo pi, “No ye kushiye I vilo akivipu vehu ighiju ani kea? Milakhi likhi no akivie. Lhokta küxü lo ilonishi aye no ye azakütsü pelulo.”

BAIBEL (BSI)

¹⁷ Jisu no pa khochile pi, “Noye kushiye ivilo akivipu vehu iniju ani kya? Milakhi likhino akivike. Lhokta kuxulo ilonishi aye noye ahza kutsu pelulo.”

Sümi Tiqhelimi Bible

¹⁷ Jisü no khochile. “No ye kushiye I vilo akivipu vehu iniju ani kea? Akivi ipikeu ye milakhi likhi ke. Tsalá nono aküxüpu lo ilonishi aye, no ye azakütsüqo pelu moayesae.”

MATTHEW 19:17 Iomraidhean Croise

NEHEMIA 9:29

Nono O Yezah lo sachile ighi niye panongu kütüghü, ikemu panongu no aqheküza shino O zakütsüqo papemo no axine shive. O zakütsü hipaqo ye timi no pape aye aküxüpu ani, ikemu panongu no kuthovi eno akuchhoma shi agholu move.

LESHELE 119:68

No ye aloe eno akivi shicheni; O zakütsüqo I shika tsülo.

LESHELE 52:1

O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.

EZEKEL 20:21

Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

ACHINE 18:5

Tighenguno nongu ye I no tsükeu khuaye eno ayezah papeni; nongu no tishilu aye aküxüpu anani: Ni ye Ampeu ke.

Rommi 10:5

Ayezah pelu keu lono achipikaluni keu tsalo Moses no ishi yekeu no, timi khuu no Azakütsü peluni keno tipau lono xülu nani.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

1 John 4:16

Ikehu Alhou no ni ghenguno kikimiye kije akeu ningu no ithitoi luno pülübe luvae. Alhou ye kimiyekiniu ke, khunono kikimiye lo acheni keno Alhou lau kimepe ani eno Alhou no pa sasü kimepe ani.

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.