MATTHEW 18:31 - Sumi Naga CL (Re-edited) Bible (BSI)

³¹ Kughou pa küsami aqemi kütami no hi ithive keno, panongu ye shishe amlo kütakihive eno ampeu vilo kiu shive keno qhoi pivetsü.

BAIBEL (BSI)

³¹ Hipaqo kiu shivekeno pa kusami aqemiqono ithulu puzu panonguye shishe amlo shimoveno panonguno panoqo mipeu lau wupuzu kumtsu kishivekela pive.

Sümi Tiqhelimi Bible

³¹ Kughou aqemi kütamiqo no kiu shive keno ti ithulu kelo, panongu ye axuideve eno wu püzü ampeu vilo kiu shive keno kümtsü pesü pive.

MATTHEW 18:31 Iomraidhean Croise

BOTHUBO 37:2

Hipaqo no Jacob tikughuko. Joseph ye ampe chighitsüni shiuve ke pa ye pa mu noqo gholono ambeloji kheae. Pa ye itimi lakhi shi pa pu nipuqo Bilhah ngo Zilpah nuliqo gholo ae. Eno Joseph no panongu papu vilo pano ghili küsa pive tsüche.

LESHELE 119:136

I nhezü no aghoki toi qoani, kughengu timi no O yezah pape movae.

LESHELE 119:158

I no ayezah pemo kemi aphikümqhüpu shi juke, kughengu panongu ye O zakütsüqo pechemoe.

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

MATTHEW 14:9

Akükau ye pa mlo lo akipimi shive, ikemu pa shoqhi eno kuküsümi ghenguno pa no tishi penike azah tsüve.

MATTHEW 18:28

Ikemu aqeu huno ipeve kethiu pa no pa küsau aqemi lakhi ghüka 100 pa pi xapu akeu sasü kusholu, ikelo tipau küghape tsüqüqhi püzü pi, ‘Nono I pi xapu akeu tsüvelo.’

MATTHEW 18:30

Ikemu pa no milive no pa küsau aqeu huno api lomoke kutolo akughuki lo khathave.

MATTHEW 18:32

Tileno pa mpeu no aqeu hu kusaghipe eno pa vilo pi, ‘No kixikila qeu! Nono I qhüiniju kehu I no o piagha kümtsü qhivetsü.

Mark 3:5

Pa no amlo vimoqhiyi ighowo panoqo juno pano mlo kümka jupe ighono pa mlo pünaqhive, tishino pa no timi hu vilo pi, “O u xachholo.” Timi huno pa u xachho, eno ti ye kuchou no athoputho luve.

Luke 14:21

Ikehu aqeu no ighi no qhoi pa mpeu vilo pive. Tile ampeu no amloideve no pa qeu vilo pi, ‘Mtazü wuno aphughi lo alaghila eno alapa lo kumlhomi, aphiau kinitave kemi, anhethi eno apukhu kighichemi sasü ighilo.’

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa

Rommi 12:15

Khunono alovi aghini keno, pano gholo alovi küqhalo, eno mloqa aghi kemi gholo mloqa küqhalo.

2 Kor. 11:21

Ni ye kujoqhiyi pi masavae, ningu ye titoi shinike ighono miqemleive kena! Ikemu kütami khuana no ighü mono qhezalu aghi aye—ni ye küghüzümi lakhi toi pi anike—ni ghi ighü mono qhezalu nani.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

IBRIMI 13:3

Nongu no akughumi gholo akughushi akeshi panoqo kümsü lulo, nongu ampi no shilusa akeshi aghimeshi akeqo kümsü lulo.