MATTHEW 18:28 - Sumi Naga CL (Re-edited) Bible (BSI)

²⁸ Ikemu aqeu huno ipeve kethiu pa no pa küsau aqemi lakhi ghüka 100 pa pi xapu akeu sasü kusholu, ikelo tipau küghape tsüqüqhi püzü pi, ‘Nono I pi xapu akeu tsüvelo.’

BAIBEL (BSI)

²⁸ “Ikemu aqeu tipauye wuve puzu pa kusami aqemi lakhino ghuka 500 a pa tsukepushi akeu sasu kusholukelo tipau ku-o lono tsuquqhi puzu ishipi, ‘Nono tsukepushi akeu tsuvelo.’

Sümi Tiqhelimi Bible

²⁸ “Ikemu kughou aqemi hu no khalau ipeve keno, pa küsàmi aqemi lakhi pa piashe ghükayi 100 pa tsü kepu shi akeu sasü kusholu. Ikelo pa no tipau kuo lono tsüqüluve no küpüha thuve kemtsa hitoi khu, ‘Nono I tsü kepu shi akeu I tsüvelo!’

MATTHEW 18:28 Iomraidhean Croise

NEHEMIA 10:31

Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.

NEHEMIA 5:7

I no kümsü tsaqüi luve paghi no sakiphemi ngo hiyampemi nguku ghi pi, “Nongu ye kushiye pütüta thiküzümi launo akighishe luani kea?” Eno I no mishi hoho lakhi kusü no panongu ngukube,

AHOLE 28:3

Kumlhomi no kumlhomi nedaqoda keu ye mqhumza tsüghu ighi kelo axabo kütsa khave tsüke toie.

ISAIAH 58:3

‘Kushiye nino kümvü akeghi, No ye jutsümo kea? Kushiye nino aqhokigheu shikeu ithi tsümo kea?’ Julepi, nongu no kümvü akelo ghi, nongu ye nongu pulou shi cheni, eno nongu kümla kishimi qodaqhi cheni.

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

MATTHEW 18:27

Ampeu no aqeu kimiyeve püzü api qhikhave tsüno phepuwuve.

MATTHEW 18:29

Pa küsau aqeu huno itsaqi no pa qhüiniju pi, ‘I no o lochileve nanike kutuu tsü aghilo.’

MATTHEW 20:2

Atsala lakhi jume tsünike küghave kethiu panoqo pesü pa tsailu lo puhuve.

Mark 14:5

Kughengu tipau ye atsala lakhi jume aqhe küthü shou no jepe kumlhomi tsüluni cheke.” Panongu no atotiu lomipi.

Mark 6:37

Ikemu pa no panoqo khochile, “Nongu no kiuala chukepu panoqo tsülo.” Panoqo no pi, “Ningu vilo milakhiw aqhi tsüni jume qhemi no asho qhü pewo panoqo tsülopi keo?”

Luke 10:35

Thoghiu pa no denarius kini pesü inaki mpeu tsüno pi, ‘Pa tucholo, eno kiu kiumu nono ala puwove keu ye I no ideighi kelono o loveni.’

Luke 7:41

“Timi kini no pisa püna kichemi lakhi pi puae, lakhi no ghüka aqhe pungu, eno lakhiu no lhopungu ishi.

John 6:7

Philip no khochile, “Atsala 200 jume pesü asho qhünamu timi hujeje gholo ye atachumu tsüwo toni chemoe.”

ZAKINIU 15:2

Hipa gholau no shini: akisüghüu püna püaghi kelo apiashe qhive tsüni. Pa ye pa kisüghüu, athiküzümi launo ti lumoni, kughengu AMPEUw kuqhokiphe ye sheshuve ake.