MATTHEW 18:15 - Sumi Naga CL (Re-edited) Bible (BSI)

¹⁵ “O thiküzüu no o shou axine shiaye, pa lau wuno lomoshi pa kipimi pilo. Pa no o tsa initsü aye, no ye o thiküzüu züluvae.

BAIBEL (BSI)

¹⁵ “Othikuzuuno oshou axine shiaye, wupuzu pa vilo pa kipimi pilo. Ike tiye okujo dolono lomo shi kuptsaluvelo. Pano otsa initsu aye, noye othikuzuu zuluvae.

Sümi Tiqhelimi Bible

¹⁵ “Tsalá O thiküzüu momu O chepu no O shou axiné shive aye, wu no panongu kipimí kichephe tsülo, eno tiye nokujo dolo likhi no ithikile lo. Tsalá panongu no O tsa ini tsü aye, no ye panongu züluvae.

MATTHEW 18:15 Iomraidhean Croise

LESHELE 141:5

Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.

AHOLE 11:30

Amikuchomi xathi ye aküxüpu sübo, eno alokütsümi no aküxü pükhalu cheni.

ACHINE 19:17

“O mlo lo o thiküzümi mithi moni, ikemu pa sasü kiqikuto lulo, tikumo aye pa ghenguno nou no axine shilu nosae.

MATTHEW 18:14

Ikehu I Pu kungugha lo akeu pulou ye hi kititiqo gholo lakhi mu pühave penishi moe.

MATTHEW 18:21

Tile Peter no Jisü lau ighi no iniju, “Ampeu, I thiküzümi lakhi ye ghuthu khije I shou axine shilu nani, eno ni ye ghuthu khije pa kipimi qhitsülu nani kea? Ghuthu tsüni keo?”

MATTHEW 18:35

Ikehu nongu no amlo lono no thiküzümi kipimi peve tsümo aye, I Pu kungugha lo akeu no hitoi nongu lakhikhi lau shinani.”

Rommi 12:21

Alhoksa no nongu theqhivepe kevilo ikemu akivi pesü alhoksa theqhilo.

1 Kor. 8:12

Kughou nono hitoi o thiküzümi shou axine shino panow kiviküsa lotsü miqemlei akelono ghüzani keno, no ye Khristo shou axine shi ani.

2 Kor. 7:12

Ikehu I no nongu lau yesü ye kemu ti ye pimive kemi ghenguno kumo momu akumou lono imeve keu ghenguno mu kumoe, ikemu Alhou zülo nongu no ni ghenguno amlo tsüqhiyi chekeu pephe peniye ke.

Galatiami 6:1

Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

Kolosiami 3:13

Lakhino lakhi lau kheakulu shino mopi kepu aghi namu akipimi pevetsü kilelo, Ampeu no nongu kipimi qhive tsüke toi nongu ghi lakhino lakhi kipimi qhitsü masae.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

2 Thes. 3:15

Ikemu athiküzümi toi pa kütüghüni thono aghümi toi kihi kevilo.

Titus 3:10

Timi khuu no kijetha niye xukuthoni keno, ghuthu lakhi eno akiniu pa ghutu lo, tithiu ye kiu lomu pa akhoto shikevilo,

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,