MATTHEW 17:5 - Sumi Naga CL (Re-edited) Bible (BSI)

⁵ Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

BAIBEL (BSI)

⁵ Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

Sümi Tiqhelimi Bible

⁵ Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 17:5 Iomraidhean Croise

JOB 38:1

AMPEU no miyitsü lono Job khochile:

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

IPEKULU 19:19

Eno afuko ghügha no alau eno alau kije shi ighauve kelo Moses no atsa pi, eno Ampeu no tsütsüküsü lono pa khochile.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 42:21

Ampeu no Pa chipiu mikucho ghenguno amlo kiqishi Pa yezah süqhe eno ajuküvüpu shike.

MATTHEW 12:18

“I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

MATTHEW 17:6

Kughou akhopemi no hi chilu keno panongu ye thüghüive no panongu gi pishiqhope itsaqive.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Mark 1:11

Eno atsütsü lono asütsa lakhi ighi, “No ye I qhuu I Nu, O jupe I mloqi cheni.”

Mark 9:7

Tile khüngküsü phoighi no panongu küzü luve, eno asütsa lakhi khüngküsü lono ipeghi, “Hi no I Nu I qhuu, pa tsa inilo.”

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:35

Apu no Anu kimiye eno thokha kümtsü pesü pa u lo süvetsü.

John 5:37

Apu I puwu keu Pa ampi no Iw thopi shitsüke. Nongu ye khilemu Pa sütsa chimla aphi, Pa koghe khilemu ithumla aphi,

Apostolmi 1:9

Pa no hipaqo pive kethiu, panongu zülono pa ye kunguu saikuve eno khüngküsü no panoqo nhethe lono pa sawuve.

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

ZAKINIU 18:19

Pa no I je lono pi kelo khukhumu pa gholumo keu ye Ni ampi no ghime nani.

ZAKINIU 5:22

“Atsa hipaqo ye nongu no naghuto lo kumqo akelono kütau kiumu süküqha mono Ampeu no ami, khüngküsü eno aküzü kutho lono asütsa kuloghi shi pike. Eno Pa no atupha kini shou tipaqo yepuku no I tsüe.

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Piyeküsü 14:14

Itaghi I no pishipuwo jukelo khüngküsü metsüghoi ke lakhi ithulu, eno timi nu toike lakhi no tipau shou iqa no ameshoyi kütsükuqho pusü pa u lo ayevü kütsügha lakhi pecheghi.