MATTHEW 17:20 - Sumi Naga CL (Re-edited) Bible (BSI)

²⁰ Pa no panoqo khochile, “Nongu küpülü mikhelo kehue. Kughengu kuchou no I no nongu vilo piani, nongu no aghanethi qhemi likhimu aküpülü aghi aye, nongu no naghuto hipau vilo, ‘Hileno iqesü hule wuvelo’ ipi kelo, tino iqewuve nani, eno nongu ghenguno shikümlapu kiumu küha nani.

BAIBEL (BSI)

²⁰ Pano panongu vilo ishi khochile, “Hiye kutaulo kumono nongu kupulu mikhelo kehue. Kughengu kuchouno ino nongu vilo pini, nonguno aghanethi pahi likhimu akupulu aghi aye, nonguno naghuto hipau vilo, ‘Hileno hulau iqewuvelo’ ipi kelo, tino iqewuve nani. Nonguno shimlakeu kiumu kuha nani.

Sümi Tiqhelimi Bible

²⁰ Pa no ishi khochile, “Kughengu nongu ye aküpülü ighono mikhe anike. Kuchou no I no nongu vilo pìní, nongu no aghane thi pahi likhimu aküpülü aghí aye, nongu no naghuto hipau vilo, ‘Hile no hulau ithawuve lo,’ ipi kelo tipau no ithawuve nani. O ghenguno kiumu shikümlapu küha nani.

MATTHEW 17:20 Iomraidhean Croise

MATTHEW 13:31

Jisü no kimghikipiye kütau panoqo vilo pi, “Kungugha yekipe ye timi lakhi no alu lo aghanethi vesüke toie.

MATTHEW 14:29

Jisü no, “Ighilo” ipi. Ikehu Peter no ashuka lono ipe püzü azü shou no alachesü Jisü lau ighi.

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

MATTHEW 17:19

Tithiu akhopemi no lomoshi Jisü lau ighi no pi, “Kushiye ningu ye haphe mlave kea?”

MATTHEW 17:9

Panongu no naghuto lono iqiche kelo, Jisü no pano küthü vilo azah tsü, “Akithi lono Timi Nu xüputhu moke kutolo khuu vilomu kungunhetsü pi kevilo.”

MATTHEW 21:21

Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

MATTHEW 8:26

Pa no panoqo vilo pi, “O nongu aküpülü kitila likhi keqo, kushiye nongu ye msa ani kea?” Tishino pa no ithu amülhü ngo azüghi lomipi, tipa mtsa shishe iqünheive.

Mark 11:22

Jisü no panoqo vilo pi, “Alhou lau aküpülü alo.

Mark 11:23

Kuchou no I no nongu vilo piani, khukhumu atoghi hipau vilo, ‘O likhi o pesü azüghi lo vesüve lo,’ ipi no pa mlo lono lipimo püzü ti ye shikupu nanie pi pülü aye, pa ghenguno ti shitsü nani.

Mark 4:31

Ti ye aghanethi toike, yisü akeloye ayeghi lo alothi kümtsü gholo akulotiu,

Mark 9:23

Jisü no pa vilo pi, “Nono shikulupu shiaye ya? Khuu no pülüni keno pa ghengu ye thokha shikulupu ani thono.”

Luke 1:37

Kughengu Alhou gholo ye tokümlapu kiumu kühae.”

Luke 17:6

Ampeu no pi, “Nongu no aküpülü aghanethi qhemi likhimu aghike aye, nongu no kakuthi sübo hipau vilo, ‘Akuhu lono nhüpe azüghi lo shosüve lo,’ ipi aye tino nongu tsa lunani.

Luke 18:27

Ikemu pa no khochile, “Timi zülo kiu no tokümlapu keno Alhou züloye shikulupue.”

John 11:40

Jisü no li vilo pi, “Nono pülü aye Alhou juküvü ithulu nanie pi ni ye o vilo pike kumo?”

1 Kor. 12:9

Aghungu tipau no kütami lakhiu lau aküpülü tsü püani, lakhiu lau shikipivi gho tsü püani.

1 Kor. 13:2

I no tungkuptsa pikulupu küka aghi no tuqhou küsü püakeu ngo akighithi jeli kümtsü vethalu, eno naghutoqo tukiqhelu kepu küpülü aghi namu kikimiye küha aye, ni ye kiumu kumoe.

IBRIMI 3:19

Ikehu ningu no ithi akeu no panoqo ye pano küpülü kumo ghenguno ilomlave ke.