MATTHEW 16:13 - Sumi Naga CL (Re-edited) Bible (BSI)

¹³ Kughou Jisü no Caesarea Philippi tokukujo lo ighi keno, pa no pa khopemi vilo ighiju, “Timiqo ye Timi Nu pesü khuu ipi cheni kea?”

BAIBEL (BSI)

¹³ Kughou Jisu no Kaisaria Filip yeghi kokutha qhalo akeno, pano ishi pa khopemi iniju, “Timiqoye ni Timi Nu pesu khuu kepi picheni kya?”

Sümi Tiqhelimi Bible

¹³ Kughou Jisü no Caesarea Philippi ko-aqha lo ighi keno, pa no pa khopemiqo vilo iniju, “Timiqo ye ni Timi Nu pesü khuu ipi cheni kea?”

MATTHEW 16:13 Iomraidhean Croise

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

MATTHEW 12:32

Khukhumu Timi Nu külakeu tsa pikeu kipimi ye qhivetsü nani, ikemu khuu no Aghungu Kimthe külakeu tsa pini keno pa ye tiqheli hipau lo na, ighini keu tiqheli lo namu akipimi qhitsümo nani.

MATTHEW 12:40

Kughengu Jonah no pucho tsala küthü putho tsala küthü akha kije polo ngoke toi, Timi Nu ghi pucho tsala küthü putho tsala küthü ayeghi pola lo ngo nani.

MATTHEW 12:8

Kughengu Timi Nu ye Sabbath Mpeu ke.”

MATTHEW 13:37

Pa no khochile, “Apiti kivi xusü keu ye Timi Nu.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

MATTHEW 15:21

Tishino Jisü ye tipa-a qhive no Tyre ngo Sidon tokukujo lo wuve.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

MATTHEW 8:20

Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

MATTHEW 9:6

Ikemu hi shikeu vecheo nongu pelo Timi Nu ye ayeghi lo axine qhitsüni keu kükagha ani kepi vethalu peniye ke” —tishino pa no aküsüu vilo pi— “Ithulo, eno o züaphi ikhipe aki lo wolo.”

Mark 10:45

Kughengu Timi Nuu ghi huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

John 1:51

Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

John 12:34

Ikehu aqokitikhi no pa khochile, “Ningu no Ayezah lono chiluke Khristo ye alholo ache nani ipie. Tishiaye no ye kishino Timi Nu ye ikhiqhe luve masae piani kea? Timi Nu huye khuu kea?”

John 3:14

Moses no asayeqha lo alazayi pighi ikhiqhe keshi Timi Nu ghi ikhiqhe masae,

John 5:27

Pa no Anu pelo küghatha penike kükagha tsüvae, kughengu pa ye Timi Nu ke.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 7:56

Pa no pi, “Julo, atsütsü khaqhi no Alhou u ajeu Timi Nu puthugho akeu I no ithulu ani.”