MATTHEW 15:31 - Sumi Naga CL (Re-edited) Bible (BSI)

³¹ kughou atsa pikümlami no pilu, aphiau kinitave kemi no achipi shive, ayiku küghüpami no alachelu eno anhethi kighichemi no ithulu keno aqokitikhi ye akümzave. Eno panongu no Israel Lhou akishe tsü.

BAIBEL (BSI)

³¹ Kughou atsapiphekumlamino pipheluve, aphi-au kighichemino achipi shive, ayiku kughupamino alacheluve eno anhethi kighichemino ithuluwuve ishi keno timiqoye apuchopungove; eno panonguno Israilmi Lhou akishe tsu.

Sümi Tiqhelimi Bible

³¹ Kughou atsa pimlave kemi no atsa piluve, aphukhu kighichemi no viluve, apukhu kinitave kemi no alachelu eno anhethi kighichemi no ithuluve akeu timiqo no ithulu keno panongu ye akümzave. Eno panongu no Israel Lhou sheqhe.

MATTHEW 15:31 Iomraidhean Croise

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

IPEKULU 24:10

eno panongu no Israel Lhou ithulu. Pa pukhu philo sapphire tu qha püake toi, tsüghükhüi keu no atsütsü hutoie.

MATTHEW 15:30

Eno aqokitikhi kije no panoqo gholo ayiku küghüpami, anhechemi, aphiau kinitave kemi, atsa pikümlami eno küsükinimi kutomo saghi no Jisü pukhu philo qhitsü; eno pa no panoqo shipivitsü,

MATTHEW 18:8

O u momu o pukhu no o pelo axine shipe aghi aye michepe pevelo. O ghenguno apukhu momu au xapusü alhomi lo vesüve pekepu ye apukhu momu au lakhi kühano aküxüpu lo ilove keu pavie.

MATTHEW 21:14

Anhechemi eno aphiau kinitave kemi no achineki lo pa lau ighi, eno pa no panoqo shipivi tsüe.

MATTHEW 8:10

Jisü no hi chilu kelo ighono pa kümza qhiyive no pa papeche keqo vilo pi, “Kuchou no I no nongu vilo piani, Israel lo hitoi keu küpülü akemi ni ye khumu ithulu mphi.

MATTHEW 9:32

Panongu no cheche kelo, julo, timiqo no milakhi tüghaküsa no ghimeqhi no atsa piphe mlave keu Jisü lau saghi.

MATTHEW 9:33

Kughou tüghami hapheve tsü keno, timi huno atsa piluve. Ikelo aqokitikhi tile akeqo no akümza qhiyi pi, “Israel lo hitoi keu ye khilemu ithumla aphi.”

MATTHEW 9:8

Kughou aqokitikhi no ti ithulu keno, panongu ye ighüve, eno Alhou khuu no hitoike kükagha pesü timiqo tsü keno, panongu no Pa jepipi tsüe.

Mark 2:12

Timi huno ithuve no paikhavi pa züa phi ikhiqhepe timi kümtsü zülono wuve, ikehu timi kümtsü no akümzave no Alhou sheqhe ghi pi, “Ningu ye hitoi keu khilemu ithulu mphie!”

Mark 7:37

Timiqo no shishe akichiqhive no pi, “Timi hipau ye thokha akivishi mla ani. Akini ipo kemi eno piphemla kemi ghi pa no chilupe eno pilupe ani.”

Mark 9:43

Ikehu o u no o pelo axine shipe cheghi aye micheve lo. O ghenguno au kini xapusü ghapinhe kümlapu miyizü lo ilove kepu ye au kinitave no aküxüpu lo ilolu keu pavi.

Luke 14:13

Ikemu kughou nono aghulhu tsüni keno, kumlhomi, alho vimo kemi, anhechemi kusülo,

Luke 14:21

Ikehu aqeu no ighi no qhoi pa mpeu vilo pive. Tile ampeu no amloideve no pa qeu vilo pi, ‘Mtazü wuno aphughi lo alaghila eno alapa lo kumlhomi, aphiau kinitave kemi, anhethi eno apukhu kighichemi sasü ighilo.’

Luke 18:43

Paikhavi timi huno ithulu kitheve, eno pa no Alhou sheqhe ghi pa pape wuve. Kughou timiqo no ti ithulu keno, kümtsü no Alhou sheqhe shikimthi tsüe.

Luke 7:16

Timi kümtsü no msaighüve eno Alhou sheqhe thuve, “Ningu gholo tungkupu kije ipeghivae!” eno, “Alhou no Paw timiqo xalu nike xuju ighivae!”

John 9:24

Ghuthu akiniu panongu no anhethi iche achekeu kuno pa vilo pi, “Alhou jepipi tsülo. Nino ithi anike timi hipau ye axinemie.”