MATTHEW 14:27 - Sumi Naga CL (Re-edited) Bible (BSI)

²⁷ Ikemu tipa mtsa Jisü no panoqo pütsa no pi, “Nongu mlo mtolo; ni ke msa kevilo.”

BAIBEL (BSI)

²⁷ Ikelo tipa mtsa Jisu no panoqo putsa no ishipi, “Nongu mlo itha kevilo| Nike, msa kevilo!”

Sümi Tiqhelimi Bible

²⁷ Ikemu Jisü no tishikhavi panoqo vilo pi: “Amlo mutotoilo! Ni ke, msà kevilo.”

MATTHEW 14:27 Iomraidhean Croise

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

MATTHEW 14:28

Peter no pi, “Ampeu, no shiaghi aye I pelo azü shou no o lau ighi penike azah tsülo.”

MATTHEW 17:7

Ikemu Jisü no ighi no panoqo bupüzü pi, “Ithulo, eno msa kevilo.”

MATTHEW 28:10

Jisü no panoqo vilo pi, “Msa kevilo; wulo eno I thiküzümi vilo Galilee lo wulo pilo, eno tilano panongu no ni ithulu nani.”

MATTHEW 28:5

Kungumi huno totimiqo vilo pi, “Msa kevilo, kughengu nongu ye kros lo yedave keu Jisü juniye chenie pi I no ithi ani.

MATTHEW 9:2

Eno julo, timi khami no anhüküsüu aphiau thive kemi lakhi awophe lono xapusü ighi. Kughou Jisü no panoqo küpülü ithulu keno, pa no aküsüu vilo pi, “I nu, o ghüthi püxülu lo; o xine qhive tsüae.”

Mark 6:50

kughengu panongu kümtsü no pa ithulu no amlo haukhave ke. Ikemu paikhavi pa no panoqo pütsa no pi, “Amlo mtolo; nike msa kevilo.”

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

Luke 1:30

Kungumi huno li vilo pi, “Msa kevilo, Mary, kughengu no ye Alhou lopu shiluvae.

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

Luke 2:10

Ikemu kungumi huno panongu vilo pi, “Msa kevilo, kughengu timi kümtsü no alokivi kije shilu kepu sütsa kivi I no nongu lau süghi ani.

Luke 5:10

tipaqo gholo Zebedee nu athiazü kini James ngo John, khuu Simon tüna shiche keno, pama ghi thüghüive. Jisü no Simon vilo pi, “Msa kevilo; itehi ye no ye timiqou phusaghi niae.”

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 6:20

Ikemu pa no panoqo vilo pi, “Ni ke msa kevilo.”

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”