MATTHEW 14:19 - Sumi Naga CL (Re-edited) Bible (BSI)

¹⁹ Tileno timiqo vilo atsüni shou iqalo pi pa no azah tsüve. Ashopa pungu eno akha kini ikhipe pa no atsütsü lo jupuku no Alhou shikimthi tsü. Tishino pa no asho süphope pa khopemi tsüno akhopemi no tipaqo pesü timiqo kijetsü.

BAIBEL (BSI)

¹⁹ Tileno timiqo vilo atsuni shou iqalopi pano azah atsu. Ashopa pungu eno akha kini pano ikhipesu atsutsulo jupuku eno Alhou shikimthi. Tithiu pano asho supho puzu tipaqo pesu pano pa khopemiqo tsu eno akhopemino tipaqo pesu timiqo kijetsu.

Sümi Tiqhelimi Bible

¹⁹ Eno pa no timiqo pelo atsüni shou iqave penike kichetsü. Ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijé tsü.

MATTHEW 14:19 Iomraidhean Croise

MATTHEW 14:18

Jisü no pi, “Tipaqo I lau süghilo.”

Mark 6:39

Pa no timi kümtsü vilo chunike amqo-amqo shi atsaneghu shou iqave lopi azah tsü.

Mark 6:41

Pa no ashopa pungu eno akha kini pesü kungugha lo juno shikimthi tsü püzü asho süphope timiqo kijetsü penike akhopemi tsü. Titoi pa no akha ghi kijepe panoqo tsü.

Mark 7:34

Tishino kungugha lo juno pa no atuthu akuloghiu shephe no timi hu vilo pi, “Ephphatha,” ti ye, “Khaqhi luvelo.”

Luke 22:17

Tishino pa no ajukhu ikhilu, eno shikimthi tsüno pa no pi, “Hi ikhilu lo, eno nongu dolo kijelu lo.

Luke 22:19

Tithiu pa no asho ikhilu, eno shikimthi tsüno pa no ti süphope panongu tsüno pi, “Hi ye khikhi nongu ghenguno tsüve keno I phimpi huke. I kümsülu ghi hi shilo.”

Luke 24:30

Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü.

Luke 9:14

Tile timi qhethonhe pungu qhalo ae. Pa no akhopemi vilo pi, “Timi lhopungu-ngu no amqo shive tsüno küghüqa khavelo.”

Luke 9:16

Pa no asho pungu eno akha kini ikhipe kungugha lo jupuku no tipaqo shou kükümgha inibe. Tishino pa no asho süphope aqokitikhi kijetsü penike akhopemi tsü.

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

John 6:23

Ampeu no shikimthi tsüno panongu no asho chukeu-a phivilo Tiberias lono ashuka kütauqo ighi.

Apostolmi 27:35

Pa no hi pive kethiu, asho ikhipe kümtsü zülono Alhou shikimthi tsüno süphope chuuve.

Rommi 14:6

Khuu no atsala lakhi hu pini cheni keno Ampeu gigihu lono pini cheni. Thokha chuche keu ghi Alhou lau shikimthi tsücheni keke Ampeu gigihu lono chucheni, eno chuchemo keu ghi Alhou shikimthi püzü Ampeu gigihu lono chuchemoe.

1 Kor. 10:16

Kükümgha jukhu ningu no pesü shikimthi tsü chekeu ye Khristo ji gholo kutupo anike kumo? Asho khikhi ningu no süpho cheni keno, ti ye Khristo phimpi gholo kutupo anike kumo keshea?

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

1 Kor. 11:24

eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

SAMUEL ATUGHIU 9:13

Nokujo no mishighüna lo iloghi kelo pa no qhemghaike-a lo chusho niye wumphi lono pa sholu nani. Kughengu pa no aghakishi kümghatsü masa keke pa ighi kumo züu ye timiqo ye chushomo nani; tithiu no khunoqo kusü püani keno panoqo no chusho nani. Itehi wulo, nokujo no lo-i pa sholu nani.”