MATTHEW 11:29 - Sumi Naga CL (Re-edited) Bible (BSI)

²⁹ Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

BAIBEL (BSI)

²⁹ Iwu kuwokhasu ikhilu no ti pepulo eno ilauno shikalulo, kughengu niye amlo kumtsha kughuvumi eno aqhokighemike; eno nonguye akulhokiqi phulu nani.

Sümi Tiqhelimi Bible

²⁹ Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

MATTHEW 11:29 Iomraidhean Croise

YEKIKITHI AKINIU 10:11

Ikehu I pu no amakho kije pesü nongu shou betsü keu gholo I no süküpha tsüni. I pu no akighikipili pesü nongu sakiyi, ikemu I no achuwopaza pesü nongu ghaqhi nani.’”

LESHELE 116:7

O I ngulho, O kulhokiqhi-a lo ideighilo; kughengu Ampeu no nibonilei o lau mlave tsüae.

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.

AHOLE 3:17

Li laghi ye alokiqipu laghi eno li laghi kümtsü iqüghai ke likhie.

ISAIAH 28:12

panoqo vilo Pa no khaghi no pi, “Hino akulhokiqhi eno iqünhei keu ke; qeinaive kemi kulhoqhi tsülo”; ikeghi panoqo no ini tsümoe.

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

AKIKIHI 12:3

Moses ye ayeghi lo timi kümtsü nguno mtshaivü kemie.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 21:5

“Zion limi vilo pilo, ‘Julo, o kükau o lau cheni, ivünhei khurha shouno cheni, khurhati shouno cheni.’”

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 7:24

“Tishiaye khukhumu I tsa hipaqo chilu no pekupulu keu ye alokütsümi lakhi no atu shou pa ki shiqhe keu toike.

Luke 8:35

Timiqo no ti juniye wu, eno panongu no Jisü lau ighi kelo khuu philono tüghamiqo haphe keno, timi hu Jisü pukhu philo iqa no aphimini pepusü akükümsü ghi achipilo aghi keu ithulu, panongu ye msave.

John 13:15

Kughengu I no kichekipiye nongu tsüve ake I no nongu lau shike toi nongu ghi tishi masae.

John 13:17

Nongu no hipaqo ithi no papelu aye nongu kümghapue.

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

1 Kor. 9:21

Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

FILIPIAMI 2:5

Khristo Jisü kükümsü ghola khikhi nonguw shilu keno, hi no nongu gholo alo,

1 Thes. 4:2

Kughengu Ampeu Jisü vecheo nino nongu kütsü shikave keu nongu no ithi ani.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

1 John 2:6

khuu no pa ye Alhou laumi ipini keno pa ye Jisü no cheche keu laghi lo chewu kepue.