MATTHEW 11:27 - Sumi Naga CL (Re-edited) Bible (BSI)

²⁷ I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

BAIBEL (BSI)

²⁷ “Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

Sümi Tiqhelimi Bible

²⁷ “I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

MATTHEW 11:27 Iomraidhean Croise

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 10:15

Apu no ni ithi eno I no Apu ithi aketoi ke; I no ambeqo ghenguno I küxü pephe tsüve cheni.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 17:6

“Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

John 3:35

Apu no Anu kimiye eno thokha kümtsü pesü pa u lo süvetsü.

John 6:46

Tipau kiqi ye khuu no Alhou launo ighi keno, pa likhino Apu ithuluve ake thono kümtsü noke kumoe.

John 7:29

Ni ye Pa ithi ani, kughengu ni ye Pa launo ighi, eno Pa no I puwuke.”

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

1 John 2:23

Khunomu Anu milive no Apu ikhilu mlae. Khuu no Anu ikhilu ani keno Apu ghi ikhilu ani.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.