MATTHEW 10:23 - Sumi Naga CL (Re-edited) Bible (BSI)

²³ Kughou aphughi lakhi lono nongu pishipujuni keno, kütau lakhiu lo povelo, kughengu I no kuchou no nongu vilo piani ke nongu no Israel lo aphughi kümtsü lo wumphi lono Timi Nu ighive nani.

BAIBEL (BSI)

²³ Kughou timino taun lakhi lono nongu shikimighiqhini keno kutau lakhilo koha povelo. Kuchouno ino nongu vilo pini, nonguno Israil lo taun kumtsulo wukhamla aphi lono Timi Nu ye ighive nani.

Sümi Tiqhelimi Bible

²³ Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

MATTHEW 10:23 Iomraidhean Croise

JEREMIYA 26:21

Kughou Akükau Jehoiakim ngo pa ghütomi eno hiyampemi no pa tsa chilu keno akükau no pa pithiveni ke phuthu. Ikemu Uriah no hipau tsa chilu kelo msave no Egypt lo poka wuve.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 2:13

Kughou panongu no wove keno, julo, Ampeuw kungumi lakhi no asamou no Joseph lau ipeghi no pi, “Ithulo, eno anu ngo paza sasü Egypt lo povelo, eno I no o vilo pimoke kutolo tilau ngo aghilo, kughengu Herod ye anu kütsave nike phuniye ani.”

MATTHEW 23:34

Ikehu I no nongu lau tungkupmi, alokütsümi, eno akükütsümi puwu nani, tipaqo khami ye nongu no pithive tsü nani, khami ye kros lono yedave nani, eno khami ye now sinagog lono heqhi no mishiphu atsütsü lo tipaqo hakuqoqhi nani,

MATTHEW 23:36

Kuchou no I no nongu vilo piani, hi kümtsü hipa tiqhelimi shou aghime ikughi nani.”

MATTHEW 24:27

Kughengu tsütsüpha no kipelau ipeghi kelo kulolau kutolo yepüvü ketoi, Timi Nu ikighi lo ghi titoi nani.

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

MATTHEW 24:34

Kuchou no I no nongu vilo piani, hipa tiqhelimi no xüaphi lono hi kümtsü shi nani.

MATTHEW 24:48

Ikemu kixikila qeu no pa ampi vilo, ‘I mpeu ye munuve nani’ ipi no

MATTHEW 25:13

Tighenguno jukuto khelo, kughengu nongu ye atsala momu atüqhüdo mthake.

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

MATTHEW 4:12

Kughou John küghape akughu shivae pikeu Jisü no chilu keno, pa ye Galilee lo idewove.

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

Luke 18:8

I no nongu vilo piani, Pa ye ke-i xakütha shipe panongu tsü nani. Tishimu, Timi Nu no ighi kelo, pa ye ayeghi lo küpülümi phulu nani ma?”

Luke 21:27

Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

John 7:1

Hipa thiu Jisü ye Galilee qha kümtsü itsü wuve. Pa ye Judea lo wumoe kughengu Jewmi no pa pithiveni ye phu ake.

Apostolmi 17:10

Küpülümi no mtazü Paul ngo Silas pama putho lono Berea lo puwuve, eno kughou pama no tile ighi keno, Jewmi sinagog lo iloe.

Apostolmi 17:14

Tileno athiküzümi no mtazü Paul küghüzü puwuve eno Silas ngo Timothy no ngovepe.

Apostolmi 20:1

Aküküpna thiu, Paul no akhopemi kuno panongu mlo shikumto tsüno ileno alo pive, eno pa ye Macedonia lo wuve.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.