Mark 9:43 - Sumi Naga CL (Re-edited) Bible (BSI)

⁴³ Ikehu o u no o pelo axine shipe cheghi aye micheve lo. O ghenguno au kini xapusü ghapinhe kümlapu miyizü lo ilove kepu ye au kinitave no aküxüpu lo ilolu keu pavi.

BAIBEL (BSI)

⁴³ Ikehu, o-uno opelo akumou shiaghi aye, ti michevelo! Oghenguno a- u kini kujo xapusu inhemokeu milo vesuvepeni kepuye a-u lakhi kuhano akuxupulo ilokeu pavi.

Sümi Tiqhelimi Bible

⁴³ Tsalá O u no O müsü sasü axiné shive pe aye, ti ghithave lo. O u kinikujo xapusü khilemu inhemo keu miyizü lo ilove nike züqhulo O phi lo kupumovemu aküxüpu lo ilolu keu pavie.

Mark 9:43 Iomraidhean Croise

JOB 20:13

pa no tipau qhinishi mono pa kichi lo müqapu luve namu,

ISAIAH 1:31

Akumtomi no asükügha toi, pa kümla no aghijini toi, khunomu ghapinhemla no kinikujo piti küqhave nani.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

MATTHEW 17:27

Tishimu timi hipaqo püxa monike ghenguno azüghi lo wuno akha kümsüpuyi vesülo, eno akha müsülu tüghüu sünhephe no tipau kichi sükhoju aye nono pisa muno ithulu nani. Tipau ikhilu no I ghenguno ngo nongu ghenguno asüqha panoqo tsüvelo.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

Mark 9:44

(Tile pano pithe ye thive chemo, eno ami ye inheve chemoe.)

Luke 14:13

Ikemu kughou nono aghulhu tsüni keno, kumlhomi, alho vimo kemi, anhechemi kusülo,

Luke 14:21

Ikehu aqeu no ighi no qhoi pa mpeu vilo pive. Tile ampeu no amloideve no pa qeu vilo pi, ‘Mtazü wuno aphughi lo alaghila eno alapa lo kumlhomi, aphiau kinitave kemi, anhethi eno apukhu kighichemi sasü ighilo.’

Luke 3:17

Pa niqa shikimthe no athi pekütsüpe pa le lo sünike pa u lo athi xukütsü kepu süküba pe ani, eno amuu ye pa no ghapinhe kümlapu mi lono pitive nani.”

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

1 Kor. 9:27

Ikemu I no kütami vilo asheshu cheni püzü ni ampi ye kideqhive nosa kehu, ni ye I phimpi chishi kushughi eno ghasüpe qhicheni.

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

Titus 2:12

tino hipa tiqheli lo Alhou sümokeu küxü eno ayeghi lo pitipüza keu pheve no alikhi aghasükulu, amikucho, eno Alhou sükümsa küxü xülopi qophe ani,

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.