Mark 8:34 - Sumi Naga CL (Re-edited) Bible (BSI)

³⁴ Tithiu Jisü no akhopemi gholono aqokitikhi pa lau kukütsü no pi, “Khuana no I papenishi aye pa ye pa ampi milive no paw kros xapu I pape masae.

BAIBEL (BSI)

³⁴ Tithiu Jisu no pa khopemi gholono timi aqokitikhi ku, eno panongu vilo pi, “Timi khuno igholo ighini keno pa likhi pa ghili kumsumave puzu paw kros xapuno ipape masae.

Sümi Tiqhelimi Bible

³⁴ Tisheno Jisü no pa khopemiqo gholo aqokitikhi ghí ku no ishi pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

Mark 8:34 Iomraidhean Croise

KUKAMI ATUGHIU 14:8

eno David lagha lono kükaqha kothape o tsü. Ikeghi no ye I qeu David toi shimoe, pa ye I zakütsüqo pelu eno pa mlo kuchopu no I pape no I zülo kiu no achipi keno tilikhi shie.

AKIKIHI 14:24

Ikemu I qeu Caleb ye pa mlo küta eno kuchocho I pape kehu pa no ayeghi khile wu püani keno tile I no pa sawuni, eno pa polo kughukomi mheghi shive tsüni.

MATTHEW 10:38

Khunono paw kros xapu mono I papeni keno pa ye I laumi shiküzüpu kumoe.

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

MATTHEW 27:32

Panongu no wuche kelo Cyrene noghami Simon ipikeu sholu. Ghüshimi no anguka lono pa pelo Jisüw kros xapupe.

Mark 10:21

Tile Jisü no pa kimiyeqhiyi juno pi, “No ye thime lakhi no mikhe ani: wulo, nono aghi keu kümtsü jepe kumlhomi tsüve lo, eno no ye kungugha lo küakini aniae; tishino I pape ighilo.”

Mark 7:14

Jisü no itaghi aqokitikhi pa lau kukütsü no pi, “Nongu kümtsü I tsa inilo eno vethalu lo:

Luke 13:24

“Müamzü no mghüghüi keu hukikha lono iloni keu shilo. Kughengu I no piani, kutomo no ilo niye pükapütsa nani kemu shimla nani.

Luke 14:33

Tihutoi nongu dolo khukhumu pa no aghi keu qhoi phevemo kelo pa ye I khopemi shimlae.

Luke 18:22

Kughou Jisü no hi chilu keno, pa no pi, “No ye thime lakhino kupu mphi kena. Nono akeu thime kümtsü jepe kumlhomi kijeve tsülo, eno no ye kungugha lo akinikhuki aniae; tishino ighi no I papelo.”

Luke 20:45

Timi kümtsü no ini ake lono Jisü no pa khopemi vilo pi,

Luke 9:23

Pa no timi kümtsü vilo pi, “Khukhumu I papeni shi aye, pa ye pa ampi milive no tsalakipetsü paw kros xapusü I pape masae.

John 10:27

I mbeqo no I sütsa chilu cheni, I no panoqo ithi eno panongu no I pape cheni.

John 19:17

eno paw kros xapusü ipeve no Aboghe-a ipi chekeu lo wuve, Aramaic tsauno Golgotha ipi cheni.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Rommi 6:6

Ningu no ithi anino ni lhoaye aqau ye Khristo gholo no yedavae, tishianguno axine phimpi ye kütsave no tithiu ye axine qüaxemi shikithe pemo niye ke.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

1 Kor. 15:31

Athiküzümiqo, ni Mpeu Jisü Khristo gholono I no nongu jupe qheza chekeu huno I pelo hipau shuphelu ani peke, ni ye tsalakipetsü thive acheni!

1 Kor. 8:13

Tighenguno achuqupu no I thiküzümi pelo küpxa lupe aghi aye, ni ye khilemu ashi chumo nani, tikumo aye I no I thiküzümi küpxalu nosae.

1 Kor. 9:19

Kughengu ni ye khuu qeumu kumo kemu I no ni ampi pesü kümtsü qeu shivae, tishikeu lono Khristo lau timi alau saghi luniye ke.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

FILIPIAMI 3:7

Ikemu I no kiu kiu anamu Khristo je ghenguno ti ye adou kepi kihivae.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

2 Thes. 3:11

Kughengu nongu gholo khami ye akipichi shi xücheni, akümla lo azükini kühano kütami küpüna ke likhie pi nino chilu ani.

Titus 2:12

tino hipa tiqheli lo Alhou sümokeu küxü eno ayeghi lo pitipüza keu pheve no alikhi aghasükulu, amikucho, eno Alhou sükümsa küxü xülopi qophe ani,

IBRIMI 13:13

Tighenguno ningu aghazü nguno khalau pa lau wuno pa jukünatha keu pepuni nolo.

1 Peter 4:1

Tishi aye, Khristo no ashi phimpi lono imeve akeke nongu ampi kükümsü ghi tipatho lono kutolulo, kughengu khukhumu ashi phimpi lono imeve aghi keu ye axine launo kukhovae,

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

2 Peter 1:14

kughengu ni Mpeu Jisü Khristo no mtsümishei I piyeve akeke I phimpi hipau liqhive kepu doye kighitheve nanie pi I no ithi anie.

1 John 3:16

Hipau lono ningu no kikimiye ithilu ani: Khristo no ningu ghenguno Pa küxü pephe tsüve kehu ningu ghi athiküzümi ghenguno ni küxü pephetsü kepue.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.