Mark 8:12 - Sumi Naga CL (Re-edited) Bible (BSI)

¹² Pa no amlo alou no atuthu akuloghiu shephe no pi, “Kushiye hipa tiqhelimi ye amchipu phu acheni kea? I no mtsüqheino nongu vilo piani, hipa tiqhelimi lau amchipu kiumu tsümo nani.”

BAIBEL (BSI)

¹² Jisu no amlo ghujulo tuthu kishe toi pa tuthu sheno pi,”Kushiye hipa tiqhelimi qoye amchipu phucheni kya? Kuchouno ino nongu vilo pini, hipa tiqhelimi lau amchipu tsumo nani”. Tishino paye panoqo launo cheve eno ashukalo ilono azughi kathasu tuxau ikuve.

Sümi Tiqhelimi Bible

¹² Jisü no amloghuju thuthu shè püzü ishi pi, “Kushiye tiqheli hipau ye amichipu kümlà khu acheni kea? Kuchou no I no nongu vilo pìní, amichipu kümlà kiumu tiqheli hipau tsüní chemoe.”

Mark 8:12 Iomraidhean Croise

ISAIAH 53:3

Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

MATTHEW 12:38

Tile Ayezah shikükami ngo Phariseemi khami no Jisü vilo pi, “Shikükau, ningu ye o launo amchipu ithuluni shi ani.”

MATTHEW 16:4

Kixikila eno amikucho kumo tiqhelimi no amchipu phucheni, ikemu Jonah michipu nguno alau kütau michipu ye tsümo nani.” Tishino pa ye panoqo qhive no wuve.

Mark 3:5

Pa no amlo vimoqhiyi ighowo panoqo juno pano mlo kümka jupe ighono pa mlo pünaqhive, tishino pa no timi hu vilo pi, “O u xachholo.” Timi huno pa u xachho, eno ti ye kuchou no athoputho luve.

Mark 6:6

Timiqo küpülü küküha ghenguno pa ye akümza qhiyive. Tileno pa ye acheaxü lo aphuqo lo itsü kütsüshika wuve.

Mark 7:34

Tishino kungugha lo juno pa no atuthu akuloghiu shephe no timi hu vilo pi, “Ephphatha,” ti ye, “Khaqhi luvelo.”

Mark 8:13

Tishino pa ye panoqo qhive no itaghi ashuka lono azüghi tüxau wuve.

Mark 9:19

Jisü no panoqo vilo pi, “O aküpülü küküha tiqhelimio, ni ye khitohi nongu gholo anani kea? Ni ye khitohi nongu khea lopi kea? Anu hilau saghi lo.”

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa