Mark 7:26 - Sumi Naga CL (Re-edited) Bible (BSI)

²⁶ Totimi huye khalaumi Syrophoenicia qhaumi. Ikehu li no Jisü vilo tsüikhomo anga phi lono tüghami hapheve tsü penike qhüiniju.

BAIBEL (BSI)

²⁶ Atopu-uye Judakumomike. Siriya lo Fonika lono punukemi. Lino anga phi lono tughami haphevetsu lopi Jisu qhuyiniju.

Sümi Tiqhelimi Bible

²⁶ Topumi hu ye Greekmi lakhi eno li ye Syria lo Phoenicia ipikeu lono punú kemi. Li no Jisü vilo tüghaküsa hu li ngá phi lono hapheve tsülo ipi qhüinijue.

Mark 7:26 Iomraidhean Croise

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

MATTHEW 15:22

Ikelo Canaanmi topumi lakhi tipa cheaxü lo achekeu no pa lau ighi no ighamku pi, “O Ampeu, David Nu, I kimiyekütü tsülo; I nga ye tüghami no shishe ghime ani.”

MATTHEW 4:24

Ikehu pa jekipi ye Syria qha kümtsü lo veküpha wove, eno küsükinimi, aküsü jeli xapusü ime akemi, tüghaküsa no ghimeqhi akemi, kiligha kipemi, aphiau kithimi kümtsü pa lau saghi no pa no panoqo shipivi tsü.

Mark 7:25

Totimi lakhi khuu nga aphi lo mithekumo ghawu akeno li no Jisü ghili chiluve no paikhavi ighi püzü pa pukhu philo itsaqi.

Mark 7:27

Jisü no li vilo pi, “Atianuli paghi lojive pelo, kughengu atianuli chuqupu pesü atsüqo lau veqhi tsükeu ye achipi kumoe.”

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.