Mark 4:17 - Sumi Naga CL (Re-edited) Bible (BSI)

¹⁷ Ikemu pano lolo akuhu küha kehu ado hami ghengu likhi no acheni; eno kughou atsape ghenguno aghime kitikhi momu pishipuju ighini keno, panongu ye paikhavi no pheve cheni.

BAIBEL (BSI)

¹⁷ Ikemu pano thonhei quilo pemoe, ikehu panonguye ngopushulu chemo. Eno Atsa ghenguno kughou shilukusa eno shikighimekeu ighini keno, panonguye paikhavino ikiqive cheni.

Sümi Tiqhelimi Bible

¹⁷ Ikemu panongu ye akuhu qüsümo kehu, panongu ye ado ikhonhei likhi xü cheni. Kughou atsakiviu ghenguno aküpüna eno pishi-puju keu ighini keno, panongu ye paikhavi ikiqive cheni.

Mark 4:17 Iomraidhean Croise

JOB 19:28

Nongu dolono, ‘Ningu ye kishi pa pishipuju luni kea?’ eno, ‘Pa ghime kuhu aghü ye pa lolono phulu nani’ ipi aye,

MATTHEW 11:6

Khunono I jupe apukhu püsü moni keno akümghapue.”

MATTHEW 12:31

Tighenguno I no nongu vilo piani, timi xine eno küthakügha qhoi pevetsü nani, ikemu Aghungu shou piküptha shikeu kipimi ye qhitsümo nani.

MATTHEW 13:21

tishimu pa lolo akuhu küha keke pa ye ado hami apüzü kughou Atsa ghenguno aghime momu kijiküpsa ighi keno, pa ye pai pheve cheni.

Mark 4:16

Timi hipaqo no atuli lo Atsa ilolu keu mihi ke: panoqo ye kughou no atsape chiluni keno, sü-i khavi alokivi shi ikhiluve cheni.

Mark 4:18

Khami no asahuli lo ilolu ke panongu ye atsape chiluve keqoe,

Luke 12:10

Khukhumu Timi Nu küla atsa pikeu ye akipimi qhivetsü nani, ikemu Aghungu Kimthe thaighave keu ye akipimi qhitsümo nani.

John 8:31

Ikehu Jewmi khunono Jisü pülülu keno tipaqo vilo pa no pi, “Nongu no I tsa papelu aye nongu ye kuchou no I khopemi,

Galatiami 6:12

Khunono nongu pelo ashi lono timi shipiye penishi cheni keno, panoqo no tsümomo nongu pelo aphighüyiko ghave penishi ani, tishikeu lono Khristow kros ghenguno panongu ghime pemo niye ke.

2 Tim. 1:15

Nono ithi anike, Asia yeghi lo akemi kümtsü no I qhivae, eno tipaqo gholo Phygelus ngo Hermogenes pama ghi ke.

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

2 Tim. 4:16

Iw sükusho tsa kükügha atüghüu loye khunomu I gholo puthugho move, kümtsü no I qhive. Alhou no pano nguku pemoniu!

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.