Mark 2:20 - Sumi Naga CL (Re-edited) Bible (BSI)

²⁰ Ikemu panoqo launo külapuu sawuve kepu tsala ighi nani, tileno panongu no kümvü nani.

BAIBEL (BSI)

²⁰ Ikemu kulapuu hu panongu launo ikhi suwuve nikeu tsala ighi nani, eno tipa tsala ighike lono panonguye kumvu nani.

Sümi Tiqhelimi Bible

²⁰ Külapuu ye panoqo gholo no ikhisüwuve kepu do ighi nani; eno tipau tsalà lono panongu no kümvü nani.

Mark 2:20 Iomraidhean Croise

LESHELE 45:11

eno akükau no o jukivi jumine nani. Pa ye o mpeu ke ghenguno, pa zülo pishiqho lo.

ALE KIMCHI 3:11

O Zion lo ilimiqo, ipeghilo eno Akükau Solomon julo, pa küküla tsala, pa lokivipu tsala lo, paza no qhopipe keu kütsükuqho pusü cheni.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

MATTHEW 26:31

Tile Jisü no panoqo vilo pi, “Itiji nongu kümtsü I qhive no pokhave nani. Kughengu ishi yepüani, ‘I no ambekheu ghiqhive nani, eno ambe loji ye apanaghave nani.’

MATTHEW 9:15

Jisü no panoqo vilo pi, “Aküküla lo kusü kemi ye külapuu no panongu gholo ngo apülaghi amloksa shini keshea? Ikemu panongu gholono külapuu sawuve kepu tsala ighi nani, tileno panoqo no kümvü nani.

Mark 2:19

Jisü no panoqo vilo pi, “Külapuu no pa poshumi gholo apülaghi panoqo ye kümvü lunani keshea? Külapuu no panoqo gholo ake tivilo panongu ye kümvü mlae.

Mark 2:21

Khunomu aphi kithe pesü aphimini qa lo tsüghuda chemoe. Tishi aye, aphi kithe no ichi-ilo kelo aqau ghi sünhekütsü luve no tiuno alhoksau shi ixüve nani.

Luke 17:22

Pa no akhopemi vilo pi, “Nongu no Timi Nu do-ghuloki ithuluni shikütü keu tsala cheni, ikemu ti ithulumo nani.

Luke 5:35

Ikemu kughou kela panoqo launo külapuu sawuve kepu tsala ighi nani, tileno panongu no kümvü nani.”

John 12:8

Kughengu kumlhomi ye alhokuthu nongu gholo anani, ikemu ni ye alhokuthu nongu gholo ani chemoe.”

John 13:33

Anuliqo, Ni ye nongu gholo ngoni keu ado kitila likhivae. Nongu no I phunani, I no Jewmi vilo pike toi itehi ye nongu vilo ghi piani, ‘I no khila wucheni keno nongu ye ighimlae.’

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 16:7

Tishinamu I no nongu vilo kuchou tsa pini: nongu kivipu ghenguno I no wuve masae, kughengu I no wumo aye Akukuphuu ye nongu lau ighimo nani. Ikemu I no wuve aye, I no nongu lau pa puwu nani.

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 17:13

Ikemu itehi ni ye O lau chea, eno ayeghi lo akelo I no hipaqo pikeu ye panongu pelo I lokivi panongu lolo kupulu peniye ke.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Apostolmi 1:9

Pa no hipaqo pive kethiu, panongu zülono pa ye kunguu saikuve eno khüngküsü no panoqo nhethe lono pa sawuve.

Apostolmi 14:23

Pama no akukuhou kümtsü lo layemi kisheve tsü kethiu, akighini eno kümvü keu lono panongu pesü pano no pülüluve keu Mpeu lau kulhuqhi tsü.

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

1 Kor. 7:5

Nongu no akighini shiniye pulo küqhano ado hami kusholu move kelo kumo aye lakhino lakhi milive kevilo. Kütüta shivemu itaghi kuloqu luvelo, tishianguno nongu no alikhi aghasümla namu Satan ye nongu ghuju mla nani.

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.

2 Kor. 11:27

ghichheghime lo ghuthu kutomo zühu püamoe, amzü atüghü lo ghuthu kutomo achuqupu ithulu püamoe, akicheqho kühano aphikümsa shipe püani.

2 Kor. 6:5

ghaqhi kelo, akughukishi lo, mtomshu ipeghi kelo, aghime lo, puthotsü züpemo kelo, amzü lo puqhekulu shino

Piyeküsü 19:7

Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”