Mark 14:18 - Sumi Naga CL (Re-edited) Bible (BSI)

¹⁸ Panoqo no aghulhu lüpa lo iqa no chu akelo, Jisü no pi, “Mtsüqheino I no nongu vilo piani, nongu dolo milakhi no I thechuve nani, khuu no I gholo chu ani keno pa huno ke.”

BAIBEL (BSI)

¹⁸ Panongu iqano chuakelo Jisu no ishi pi, “Kuchouno ino nongu vilo pini, nongu gholo milakhino ikughape thechu shive nani, igholo chuakemi lakhinoke.”

Sümi Tiqhelimi Bible

¹⁸ Panongu no aghulhu lipa lo chu akelo, Jisü no pi, “Kuchou no I no nongu vilo pìní, nongu lakhi no I pesü thechu shive nanie.”

Mark 14:18 Iomraidhean Croise

LESHELE 41:9

I küsau I punukhoi akeu khuu I no pükhübe eno I shopa chucheni keno pa no I shou pa pukhu süqhe ani.

MATTHEW 26:21

Panongu chusho akelo Jisü no pi, “Kuchou no I no nongu vilo piani, nongu gholo milakhi no I thechu nani.”

MATTHEW 5:18

Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 6:2

“Ikehu, kughou nono aveküsami kuphuni keno, khilemu o fuko küigha ghi shikevilo, ti ye keghilishi kemi no timi pelo sheqhe peniye sinagog eno alaghila lono tishi cheni. Kuchou no I no nongu vilo piani, panongu ye pano jume ithulu khavae.

MATTHEW 6:5

“Eno kughou nongu no inikhuni keno, khilemu keghilishi kemi toi kevilo. Kughengu panongu ye timi pelo ithulu peniye sinagog lo eno alaphe lo puthugho no inikhuni keu no pano lokütü cheni. Kuchou no I no nongu vilo piani, panongu ye pano jume qhoi ithulu khavae.

Mark 10:15

Kuchou no I no nongu vilo piani, khukhumu itimi toi Alhou yekipe ikhilumo keu ye khilemu tile ilomla nani.”

Mark 10:29

Jisü no pi, “Kuchou no I no nongu vilo piani, I je ghenguno eno atsakiviu ghenguno akibo, momu athiküzü acheli, apuaza, atianuli, momu aki alu qhive kemi kümtsü

Mark 14:17

Kughou avela shive keno, pa no chighikini sasü ighi.

Mark 14:19

Panongu ye amlosa thuve no lakhikhi no pa vilo ighiju, “Ti ye ni kumo kema?”

Mark 14:25

Kuchou no I no nongu vilo piani, Alhou yekipe tsala lono akitheshi yenike kumo aye, ni ye khilemu itaghi atsaibo lo pekighi zü yekithe moae.”

Mark 14:9

Mtsüqheino I no nongu vilo pi ani, ayeghiqha kümtsü lo khile khilemu atsakiviu sheshu kelo, li no kiu shi keno, li je lono piche nani.”

Mark 3:28

“Mtsüqheino I no nongu vilo piani, timiqo xine eno panoqo no kiukiu küthakügha tsa pi püaghi namu qhoi akipimi qhivetsü nani,

Mark 6:11

A-a lakhi lo nongu sasümo eno nongu tsa ini tsümo aye, tileno wuche kelo pano shou thopi shi nongu pukhu lo ayeghimkhu kutolo kukhu qhivelo.”

Mark 8:12

Pa no amlo alou no atuthu akuloghiu shephe no pi, “Kushiye hipa tiqhelimi ye amchipu phu acheni kea? I no mtsüqheino nongu vilo piani, hipa tiqhelimi lau amchipu kiumu tsümo nani.”

Mark 9:1

Tishino panoqo vilo pa no pi, “Kuchou no I no nongu vilo piani, hile puthugho akemi dolo khami ye Alhou yekipe aküka kumto lono ighi keu pano nhethi no ithulu moke kutolo akithi michemo nani.”

Mark 9:41

Kuchou no I no nongu vilo piani, nongu no Khristo laumike ghenguno khuu no azü ajukhu lakhimu nongu piyeni keno, pa saxü ye kiu gholau nomu pühave monani.

Luke 11:51

Abel ji lono wo tungkupu, khuu akiptia ngo achineki khala alou dolono pithive keno, Zechariah kutolo. Iyei, I no nongu vilo piani, hipa tiqhelimi no khokichile tsü masa nani.

Luke 22:21

Ikemu julo, khuu no I küghape thechu ani keno, pa ye I gholo aghulhu lüpa lo ngo ani.

Luke 4:24

Jisü no pi, “Mtsüqheino I no nongu vilo piani, tungkupu khumu pa punugha loye ikhikulupu shi chemoe.

John 1:51

Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

John 13:18

Ni ye nongu kümtsü ghenguno piamoe; I no khuno kisheluve akeno ithi ani. Ikemu hi ye Kuchoyesü shikupu niyeke, ‘Khuu no I sho chu keno, pa no I shou chhophisüe.’

John 13:21

Jisü no hi pive kethiu, pa mlo kütakihive no thopi shi, “Kuchou no I no nongu vilo piani, nongu gholo milakhi no I thechuve nani.”

John 13:22

Pa no khuu vehu pi akeno akhopemi ye mtsümishei mono lakhino lakhi jukile ae.

John 13:38

Jisü no khochile, “No ye kuchou no I ghenguno o küxü tsülu nani keshea? Kuchou no I no o vilo piani, awudu igha mphi lono no ye ghuthu küthü I milive nani.”

John 21:18

Kuchou no I no o vilo piani, kughou nono apumi shiche keno, o kutoshino aphimini pepusü khile khilemu nono pulo keu lo wuche, ikemu kughou nono kichimi shiveni keno, nono o u xachho no kütami no aphi o puu nani, eno nono khile pulomo keno tilau o sawu nani.”

John 3:11

Kuchou no I no o vilo piani, nino keu ithi keno picheni, eno kiu ithulu keno thopi shicheni, ikemu nongu no ni shepe ikhilumoe.

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 6:26

Jisü no khochile, “Kuchou no I no nongu vilo piani, nongu no I phu chekeu ye amchipuqo ithulu kehu kumono aghakiqishi asho chulu kehue.

John 6:32

Tile Jisü no panoqo vilo pi, “Kuchou no I no nongu vilo piani, Moses no kungugha lono asho nongu tsüke kumoe, ikemu I Pu no kungugha lono kuchou sho nongu tsüe.

John 6:47

Kuchou no I no nongu vilo piani, khukhumu pülü keu no lhokta küxü ani.

John 6:70

Jisü no panoqo khochile, “I no no chighikini kishelu kekumo? Ikeghi nongu gholo lakhi ye tüghamie.”