Mark 13:24 - Sumi Naga CL (Re-edited) Bible (BSI)

²⁴ “Ikemu tipa ghuloki lo kijiküpsa thiu, khetsünhe no züchiyi hailove nani, eno aqhi no aküvü tsümove nani.

BAIBEL (BSI)

²⁴ Tipaqo tsalalo, ti akijuksa thiu, tsukinheno zumoyive nani, aqhino akuvu yemove nani,

Sümi Tiqhelimi Bible

²⁴ “Ikemu aghime kitikhi tsalà hipaqo thiu paikhavi lono, “ ‘khetsünhe no züchiyive nani, eno aqhi no pa küvü tsümove nani;

Mark 13:24 Iomraidhean Croise

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

EZEKEL 32:7

Kughou I no no ikhiveni keno, I no atsütsü küzüve nani, eno ayepuqo zümoive tsü nani, I no khüngküsü pesü khetsünhe nhave tsü nani eno aqhi no aküvü tsümove nani.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

JOYIL 3:15

Khetsünhe ngo aqhi no zümoi, eno ayepuqo no aküvü tsümovae.

AMUS 5:20

Ampeu tsala ye aküzü thono aküvü kumo eno vüqai mono züchiyi kekumo?

Mark 13:23

Ikemu ni ye hi kümtsü azünatha pive akehu nongu ye khekuto luvelo.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.