Mark 13:22 - Sumi Naga CL (Re-edited) Bible (BSI)

²² Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

BAIBEL (BSI)

²² Kughengu kichileu Mesiya ngo kichileu tungkupmi ipeghi nani. Eno tokulupu shiaye Alhou no pukhavekemi ghi sakughuzu sawuni kehu panonguno amchipu ngo akumzapu shipiye nani.

Sümi Tiqhelimi Bible

²² Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

Mark 13:22 Iomraidhean Croise

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

Mark 13:21

Khuana no o vilo, ‘Julo, Khristo hi cheni!’ momu ‘Julo, pa ye hu cheni!’ ipi namu pülü kevilo.

Mark 13:23

Ikemu ni ye hi kümtsü azünatha pive akehu nongu ye khekuto luvelo.

Mark 13:6

Kutomo no I je lono pisü ighi nani, ‘Ni ye Pa ke!’ eno kutomo saküghüzüve nani.

John 4:48

Jisü no pa vilo pi, “Nongu no amchipu eno akümzapu ithumla ke kutolo nongu ye pülümo nanie.”

ZAKINIU 13:1

“Tungkupu momu asamo vecheo piche kemi nongu dolo ipeghi no amchipu momu akümzapu mla aye,

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

1 John 2:18

Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

1 John 2:26

Khunono nongu pishiqhini ke pükapütsa ani keno ni ye panoqo ghili pesü nongu lau yelu ani.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.