Mark 12:6 - Sumi Naga CL (Re-edited) Bible (BSI)

⁶ Ti kutolo alu pighiu ye itaghi kimiye kicheu nu ake. Ikehu ashekha shi pa no kümsü ghi puwu, ‘Panongu ye I nu gihu nani.’

BAIBEL (BSI)

⁶ Alumipiu gholo itaghi timi kutau lakhi ake, tiye pa nu, pano kimiyechekeu ke.Ashekha shi,ampiu huno mishi chichekemi lau pa nu puwughi ishi pi, ‘Panonguye inu qhoqhugihu nani.’

Sümi Tiqhelimi Bible

⁶ “Pa ye puwu nike ghenguno timi lakhi likhive, tiye pa no kimiye chekeu panu ke. Pa no ishi pi ghi kümtsü gholo ashekhau puwu, ‘Panongu ye I nu gihu kepu ke.’

Mark 12:6 Iomraidhean Croise

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 22:2

Alhou no pi, “O nu lakhi likhi akeu Isaac, khuu nono kimiye cheni keno, pa sasü Moriah yeghi lo wulo, eno tilau naghuto lakhi khikhi I no o piyeni keno tileno pa pesü akipti kümllagho shi tsülo.”

BOTHUBO 37:3

Israel no pa nu kütami nguno alau Joseph kimiye che, kughengu pa no kitemi shive kethiuno pa punu ke. Pa no alabe jelino chijeboike phi lakhi pa ghenguno mlatsüe.

BOTHUBO 44:20

Eno ningu no I mpeu vilo pi, ‘Ningu ye apu lakhi kitemi ani, eno pa no kitemi shive kethiuno punu keu athiküzüu lakhi ani. Pa mu ye thivae, eno pa za nuli dolo pa likhivae, ikehu pa pu no pa kimiye chenie.’

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Mark 1:11

Eno atsütsü lono asütsa lakhi ighi, “No ye I qhuu I Nu, O jupe I mloqi cheni.”

Mark 12:5

Tipa shelo ghi aqeu kütau puwu, ikemu tiu ye panoqo no pithive tsü. Hitoi kütami kutomo lau shive, khami ye heqhi eno khami ye pithive tsü.

Mark 12:7

Ikemu mishikulumi no ishi pikile, ‘Hi no amheghi kiyighiu ke ighilo, ningu pa pithiveni eno amheghi pesü niw shiveni.’

Mark 9:7

Tile khüngküsü phoighi no panongu küzü luve, eno asütsa lakhi khüngküsü lono ipeghi, “Hi no I Nu I qhuu, pa tsa inilo.”

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

Luke 9:35

Tileno asütsa lakhi khüngküsü lono ipeghi, “Hi ye Iw kishekipheu, I Nue; Pa tsa inilo!”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 1:34

I no ithulu no nongu vilo ashepe shitsü anike hi no Alhou Nue.”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 3:35

Apu no Anu kimiye eno thokha kümtsü pesü pa u lo süvetsü.

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

IBRIMI 1:6

Itaghi, kughou Alhou no ayeghi lo Pa Nu anoghiu puwu keno, Pa no pi, “Alhouw kungumi kümtsü no Pa mllalo.”

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

3 John 1:1

Alayeu no kimiyekicheu Gaius, khuu I no kuchou no kimiye cheni keno, pa lau yelu ani.