Mark 12:24 - Sumi Naga CL (Re-edited) Bible (BSI)

²⁴ Jisü no panoqo khochile, “Nongu no Kuchoyesü na Alhou küka namu ithi chemo kehu hi ghenguno nongu ye küqü anike kumo?

BAIBEL (BSI)

²⁴ Jisu no panoqo vilo pi, “Hi ghenguno nonguye kuqu achenike kumo kesha? Nonguye kuchoyesu mu mtha eno Alhou kuka mu mthae.

Sümi Tiqhelimi Bible

²⁴ Jisü no khochile, “Nongu ye Kuchoyesü mu Alhou küká ghilimu ithi amoke nongu ye shipimi anike kumo keshea?

Mark 12:24 Iomraidhean Croise

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

HOSIYA 6:2

Atsala kini thiu Pa no ningu püxü kithetsü nani; atsala aküthüu lono Pa no ningu sünheqhe nani, tishianguno nino Pa zülo xüni.

HOSIYA 6:6

Ni ye aghakishi kumono iqemokeu kikimiye lunishi, akipti kümllagho kumono Alhou ithitoi keu laju ani.

HOSIYA 8:12

I no pa sala I yezah qhethonhe chighi ye anamu tipaqo ye thime kithe toi shino kihitsü monani.

MATTHEW 22:29

Ikemu Jisü no panongu khochile, “Nongu ye pimi ani, kughengu nongu ye Kuchoyesü na Alhou küka namu mthae.

Mark 10:27

Jisü no panoqo juno pi, “Timi ghengu ye shikümlapue, ikemu Alhou ghengu ye kumoe. Kughengu Alhou ghengu ye thokha kümtsü shikulupu likhie.”

Mark 12:23

Imaye, xüchilekulu tsala lo panongu no ithughi kelo, pano tsüni gha totimi tipau pesü anipu shi püani kehu li ye khuu nipu shi nani kea?”

Mark 12:25

Kughou panongu no ithughini keno, khumu külakupu shimo nani, ikemu kungugha lo kungumi toi nani.

Luke 1:37

Kughengu Alhou gholo ye tokümlapu kiumu kühae.”

John 20:9

kughengu ti kutolo panongu ye Kuchoyesü lo, pa ye akithi lono ithughive masae, ipikeu vethamla no ae.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Ephesiami 1:19

eno Pa kumto kije peitha no ningu küpülümi lau Paw kimghi kümlapu küka kuloghi tsü püakeu ye kiu keno,

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.