Mark 11:17 - Sumi Naga CL (Re-edited) Bible (BSI)

¹⁷ Pa no timiqo kütsüshika akelo panoqo vilo pi, “‘I ki ye shiye kümtsü ghenguno akighini ki ipi ku nani’ ipi yepüani ke kumo? Ikemu nongu no tipau pesü süxakuchumi küghütshü-a shive tsüae.”

BAIBEL (BSI)

¹⁷ Tishieno pano timiqo vilo ishi kutsu, “Kuchoyesulo ishi yepuani, ‘Ikiye timi kumtsu ghenguno akighini ki lakhi ipi ku nani.’ Ikemu nonguno hipau pesu kupukami kughutshu-a kughulho vetsuae!”

Sümi Tiqhelimi Bible

¹⁷ Eno panoqo kütsü ghi, pa no ishi pi, “Kuchoyesü lo, ‘I ki ye shiye kümtsü ghenguno akighini ki ipi ku nani,’ ipi yèpüani ke kumo keshea? Ikemu nongu no hipau pesü süxakuchumiqo küghütshü-a lakhi kughulhove tsüae.”

Mark 11:17 Iomraidhean Croise

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

JEREMIYA 7:11

I je lono kukeu ki hipau ye nongu nhethe lo küpkami küghütshü-a shiveni keo? Julo, Ni ampi no hi ithuluvae pi Ampeu no asheshu.

HOSIYA 12:7

Alhikishimi khuu u lo pishikiqhi ahu pe ani keno, pa ye qhasüni keu no pa pulou.

Mark 11:16

Tinguno alau milakhimu tinhemgha pesü achineki kathasü iqhoiqi pemove.

Luke 19:46

eno panongu vilo pi, “Ishi yepüani, ‘I ki ye akighini ki ipi kunani,’ ikemu nongu no ti pesü küpkami küghütshü-a shive tsüae.”

John 2:14

Achineki lo pa no amshitsü, ambe eno amiqhi kijemi ngo pisa kilitsü akemi ithulu.

John 2:16

Pa no amiqhi je akeqo vilo pi, “Hi kümtsü pewuve lo, I Pu ki pesü kilhikishi ki kughulho kevilo.”