Mark 10:24 - Sumi Naga CL (Re-edited) Bible (BSI)

²⁴ Pa tsa chilupe akhopemi ye akümzave. Ikemu pa no itaghi panoqo vilo pi, “Anuliqo, Alhou yekipe lo iloluni keu ye kishi kushokütsüpu kelae!

BAIBEL (BSI)

²⁴ Akhopemi qoye pano hipatsa pikeulo akumzave, ikemu Jisu no panoqo vilo itaghi ishi pi, “Tiqhelimiqo! Alhou yehkipelo ilolu nikeu kiu toi kushokutsupu kela!

Sümi Tiqhelimi Bible

²⁴ Pa no hipaqo pikeu lo akhopemiqo ye akichiqhive. Ikemu Jisü no itaghi pi, “Anuliqo, Alhou kükaphu lo ilo nikeu ye kiutoi kushokütsü kela!

Mark 10:24 Iomraidhean Croise

LESHELE 17:14

O Ampeu, O u pesü timi hipaqo launo I xalu tsülo, ayeghi lo timi saje ye aküxü hipau lo anie. Nono küakini pesü pano tita shepichhi tsüe; panongu ye atianuli jupe aghapiqi luvae, eno pano küakini pesü pano tianuli ghenguno qhivae.

LESHELE 52:7

“Alhou ijemo no pa küakini tule-pele akeu shou pükhübe, eno pa kütsakungove kepu ije wuve keu timi hu julo!”

LESHELE 62:10

Süxakulu shou pükhü kevilo; aküpka shou adou küpkhü qhi kevilo; küakini ikowo aye, tipaqo shou nongu mlo be kevilo.

AHOLE 11:28

Khunono aküakini pükhü cheni keno ikiqive nani, ikemu amikuchomi ye atsünipa küxü toi thuikulu nani.

AHOLE 18:11

Aphughi lakhi sükusho ye aliwo qhemghai keu shou kepi kümsü cheke toi küakini no kinimiw sükusho ke.

AHOLE 23:5

Kughou o nhethi no küakini lo jupukuni keno ti ye pai achishibo ipeghive no alhuqu no kunguu yeikuve ketoi hauve nani.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

MATTHEW 19:25

Kughou akhopemi no hi chilu keno panongu ye shishe akümzave eno pi, “Imaye khunoqo xalu nani kea?”

Mark 1:27

Ikelo timi kümtsü no akümzave püzü panoqo dolo ishi ighiju kile, “Hi ye kiu kea? Kükagha pesü akükütsü kithe tsü ani nokua! Pa ye tüghaküsaqo ghi azah tsü ani, eno tipaqo ghi pa gholu anie.”

Mark 10:23

Jisü no tsüghüwo juno pa khopemi vilo pi, “Kinimi no Alhou yekipe lo iloluni keu ye kishi kushokütsüpu kelae!”

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

John 13:33

Anuliqo, Ni ye nongu gholo ngoni keu ado kitila likhivae. Nongu no I phunani, I no Jewmi vilo pike toi itehi ye nongu vilo ghi piani, ‘I no khila wucheni keno nongu ye ighimlae.’

John 21:5

Jisü no panoqo vilo pi, “Anuliqo, nongu ye akha anima?” Panongu no “Moe” ipi khochile,

John 6:60

Kughou apapemi kutomo no hipa tsa chilu no keno, panongu no pi, “Hi ye mkamghai keu tsake khuu no pekulupu kea?”

Galatiami 4:19

I tianuliqo, nongu lolo Khristo lhophelu moke kutolo ni ye itaghi nongu ghenguno apunu küsü toi süani!

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

1 John 5:21

Atianuliqo, nongu ye kichileu lhou julhoqo launo putosü lulo.

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.