Mark 10:2 - Sumi Naga CL (Re-edited) Bible (BSI)

² Phariseemi no ighi no pa peju niye ighiju, “Ayezah lo timi lakhi ye pa nipu küghüxalu nanima?”

BAIBEL (BSI)

² Farisimi khami pa lau ighi eno pa miqeju ghi iniju, “Timi lakhiye pa nipu jumu venikeu ningu yezahlo achipikema?”

Sümi Tiqhelimi Bible

² Phariseemi khami no ighi püzü Jisü peju ghi pa vilo iniju, “Ayeza kiqi lo timi lakhi no pa nipu sasü küghüxave keu ye achipi keshea?”

Mark 10:2 Iomraidhean Croise

MALAKI 2:16

“Kughengu timi khuu no pa nipu kimiye move no li küghüxaveni keno, Ampeu, Israel Lhou no pi, pa ye aji no pa phimini hedape ani, ipi aqokitikhi Mpeu no pi. Ikehu nongu ye aghungu lono jukuto alo, eno pükhükümla shi kevilo.”

MATTHEW 15:12

Tileno pa khopemi no pa lau ighi no pi, “Nono pikeu tsa no Phariseemi mlo pünave tsüapi no ye ithi anima?”

MATTHEW 16:1

Phariseemi ngo Sadduceemi no Jisü lau ighi no pa pejuni ye kungugha lono amchipu piyelo pi khu.

MATTHEW 19:3

Phariseemi no pa lau ighi no pa ghükeju ghi iniju, “Ayezah kiqilo kiu kiu ghenguno mu milakhi ye pa nipu phevelu nani ma?”

MATTHEW 22:35

Tipaqo gholo Ayezah shikükami lakhi no Jisü peju nike ighikuju tsa iniju,

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 9:34

Ikemu Phariseemi no pi, “Pa no tüghami haphe akeu ye tüghami tou küka lono ke.”

Mark 10:1

Jisü no tipa-a qhive no Judea eno Jordan kukuu wuve. Itaghi aqokitikhi no pa lau ighi no kumqo luve kehu alhoaye lo pa no shiche ketoi itaghi panoqo kütsüshika ae.

Mark 10:3

Pa no khochile, “Moses ye azah kiu nongu tsü kea?”

Mark 8:11

Phariseemi no ighi no Jisü pejuni ke kungugha lono amchipu hami piye lopi pa sasü kighe thuve.

Mark 8:15

Jisü no panongu ghutu ghi pi, “Jukuto lo; Phariseemi ngo Herod kholaqhi lono tsükhüi shilo.”

Luke 11:39

Ikemu Ampeu no pa vilo pi, “Nongu Phariseemi no akhu ajukhu ashou ye shikimthe cheni, ikemu nongu lolou ye akughuvu ngo küsakügha no chhitoi acheni.

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

Luke 5:30

Phariseemi ngo Ayezah shikükami no Jisü khopemi lau nhenheshi pi, “Kushiye nongu ye zame küqhami ngo axinemi gholo chusho cheni kea?”

Luke 6:7

Phariseemi ngo Ayezah shikükami no akipimi pesü Jisü tsülu kepu laghi phu akehu pa ye Sabbath lono shipivi nani kemo keno jua.

Luke 7:30

ikemu Phariseemi ngo Ayezah shikükami ye John launo baptiz shimo kehu Alhou kimji panoqo ghenguno akeu milive.)

John 11:47

Ikehu Achinetomi ngo Phariseemi hoho no kumqo no pi, “Ningu ye kiu shikepu kea? Kughengu timi hipau no amchipu kümla kutomo shi auvae.

John 11:57

Achinetomi ngo Phariseemi no Jisü kügha luveni ke ghenguno khukhumu pa no khile ani keno ithi aye panoqo pithi penike azah tsüve.

John 7:32

Phariseemi no aqokitikhi gholo Jisü ghili kügha akeu chilu, eno achinetomi ngo Phariseemi no pa kügha penike aghukhemi puwu.

John 7:48

Sakiphemi ngo Phariseemi lakhi nomu pa pülüve akeshea?

John 8:6

Panongu no pa vilo hipa tsa pikeu ye pa peju no akipimi pa shou beniye ke. Jisü no pishiqhope pa uloti pesü ayeghi lo yepuku.

1 Kor. 10:9

Ningu ye Khristo peju kepu kumoe, kughengu panongu khami no tishi kelono apighi no mighiqhive,