MALAKI 4:6 - Sumi Naga CL (Re-edited) Bible (BSI)

⁶ Eno pa no apunoqo mlo tsüghü sawo anuliqo tsü nani eno anuliqo mlo pesü apunoqo tsü nani, tikumo aye I no kütsakungo keu xaküthaza pesü ighi no ayeghi lo hepuku nani.”

BAIBEL (BSI)

⁶ Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”

MALAKI 4:6 Iomraidhean Croise

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

ISAIAH 40:3

Asütsa lakhi no piani: “Ampeu sala yenguyike-a lo alaghila kutolo; ni Lhou ghenguno asayeqha lo ala müzüchoi shitsülo.

ISAIAH 43:28

Tighenguno I no akimthe-a lo sakiphemi shipütha nani, Jacob shou kütsakungo pinyikeu süghi nani, eno Israel shou küthakügha süghi nani.

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

ZEKHARIA 11:6

Kughengu hipa ghakhu lo küxümiqo lau Ni ye küpükeu kühavae, ipi Ampeu no asheshu. Julo, I no timi lakhikhi pelo pa kisüghüu u lo, eno pa kükau u lo ikiqi ilovepe nani, panongu no ayeghi kütsale nani, eno Ni ye panongu u lono khumu xaphemo nani.”

ZEKHARIA 13:8

Aqokitikhi Mpeu no asheshu, ayeghi kikije küthü lo kini ye kütsave no pühave nani, eno aküthüu likhi no xülu nani.

ZEKHARIA 14:12

Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.

ZEKHARIA 5:3

Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

Mark 11:21

Peter no kümsülu no Jisü vilo pi, “Rabbi, julo! Nono müsüini ketoi mububo huye thi-ilovae.”

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

IBRIMI 6:8

Ikemu tile asahu ngo alupi thuipeghi aye, ti ye ameküha eno ghushove ke paphi shive cheni, eno ashekha loye ami no pitive kepu shive cheni.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

Piyeküsü 22:3

Itehi ye müsüini keu jeli kiumu shimoae, ikemu Alhou eno Ambeti kükalakhü no aphughi lo anani eno Pa qemiqo no Pa mlla nani.