MALAKI 3:7 - Sumi Naga CL (Re-edited) Bible (BSI)

⁷ Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

BAIBEL (BSI)

⁷ Nongu ghi, nozuu apu asuqo toi iyezah launo tsughusu wuve eno tipaqo pelu chemoke. Ilau xaideghilo eno niye nongu lau tsughu ighini. Ikemu nonguno ishi inijuke, ‘Ninguye olau ideighi nike ghenguno kiu shimasa kya?’

MALAKI 3:7 Iomraidhean Croise

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

JEREMIYA 16:11

Panongu vilo pilo: ‘Kughengu no puasüqo no I kümsümave ke, Ampeu no asheshu, I kümsümave eno I yezah pheve no kütau lhouqo huthu eno mllauve, panongu mlo kümka lhoksa pape wuve no I tsa ini move,

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 7:25

No puasüqo no Egypt yeghi lono ipeghike tsala lono ishi kutolo tamo mithe I no tsalakipe I qemi tungkupmi puwue.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

EZEKEL 2:3

Pa no I vilo pi, “Timi nu, I no Israelmi, hekibide shiye, khunoqo I ghobide ani keno tipaqo lau o puwu ani. Ishi tsala kutolo panongu eno pano puasüqo ye I hebide ghi axine shivae.

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

EZEKEL 20:21

Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

ZEKHARIA 1:3

Tighenguno panoqo vilo pilo, aqokitikhi Mpeu no shuphe: I lau ideighilo, aqokitikhi Mpeu no piani, eno I no nongu lau ideighini.

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

MALAKI 3:13

“Nongu no I shou mkamghai atsa pike, Ampeu no pi. Ikemu nongu no pi, ‘Ningu ye kishi O shou pipuku kea?’

MATTHEW 23:27

“Nongu Ayezah shikükami ngo Phariseemi hasapue, keghilishi chekeqo! Nongu ye akumona metsüghoi mushuve ketoie, ashou ye juviqhiyi ithulu ani, ikemu alou ye kithimi saghi ngo mithekumo no chhitoi ani.

Luke 15:16

Tilau pa ye awoqo no chuche keu axa kolamu chunishi kütü lajuche namu khunomu kiumu pe pa tsümoe.

Rommi 10:21

Ikemu Israel vehulo Alhou no pi, “Atsala kupuju Ni ye aghokulu kumomi ngo hekibidemi lau I u sükhope khe ighivae.”

Rommi 10:3

Alhou no timi pelo achipikalupe chekeu kighithi ye kühano pano lotsü lou no shiniye kelono panongu ye Alhou chipiu zülo qhoqhü mlave.

Rommi 7:9

Ghuthu lakhi lo ni ye Ayezah sümono xüche, ikemu kughou azakütsü ighi keno axine no xüuve eno niu no thive.

ZAKINIU 31:20

Kughou I no pano puasü lau tushoqhi ketoi panongu sasü akichhizü ngo akhingozü no qowu akeu yeghi lo iloghini, eno panongu no achuqupu chunishi ke thaqhü chuno atha pubeiveni keno, panongu ye tsüghüsü kütau lhouqo mllauve nani, eno I milive no Iw puloshoqhi kubove nani.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.