MALAKI 3:6 - Sumi Naga CL (Re-edited) Bible (BSI)

⁶ “Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

BAIBEL (BSI)

⁶ “Niye AMPEU ke, niye kili chemoe. Ikehu nongu, Jakob laghami qhoi puhave mphike.

MALAKI 3:6 Iomraidhean Croise

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 15:7

Ampeu no pa vilo pi, “Ni ye Ampeu, Chaldea ghakhu Ur lono ayeghi hipau o tsüno ti ighilu peniye o saighi keu ke.”

BOTHUBO 22:16

eno pi, “I no I je kuno ashoqhi shivae, ipi Ampeu no asheshu, kughengu nono o nu lakhi likhi akeu süchile mono hi shive akehu,

LESHELE 102:26

Tipaqo ye hauve nani, ikemu No ye ache nani; tipaqo ye aphimini toi aqa shive nani. Nono tipaqo aphimini toi kilive nani, eno panoqo ye hauve nani.

LESHELE 102:27

Ikemu No ye atho eno O mpe ye kishekha kühae.

LESHELE 102:28

O qemi tianuli ye sükusho kivi shi xülu nani; pano tikughuko ye O zülo süshokulu anani.

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 78:57

pano puasü toi idewove eno amikucho kumo shive; panongu ye apiji kughuho toi pükhübe mlae.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 46:4

nongu no kitemi shiveke kutolo, I no nongu Lhou; eno nongu no asa mpaveke kutolo, I no tucho nani. I nongu lhoke eno tucho nani; I no nongu xapu eno xalu nani.”

JEREMIYA 32:27

“Julo, Ni ye Ampeu, timi kümtsü Lhou. I ghenguno kiu kiumu kushokütsü keshea?

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

HOSIYA 11:9

Ni ye I ji kumqho pephe moae; Ni ye Ephraim kütsa kithemae; kughengu Ni ye timi kumono Alhou, nongu gholo Akimtheu, Ni ye aloghu lono ighimo nani.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

IBRIMI 13:8

Jisü Khristo ye ighi, ishi eno alholo aphiphie.

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 22:13

Ni ye Alpha eno Omega, atüghüu eno ashekhau, abothu eno kishekhau ke.”

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”