MALAKI 3:5 - Sumi Naga CL (Re-edited) Bible (BSI)

⁵ “Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

BAIBEL (BSI)

⁵ Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MALAKI 3:5 Iomraidhean Croise

BOTHUBO 20:11

Abraham no pi, “I no tishive keu ye ishi kümsülu kehue, ‘Hipa-a lo ye Alhou sükümsa küha mithe, eno panongu ye I nipu ghenguno I heqhive nanie.’

BOTHUBO 42:18

Atsala aküthüni Joseph no panoqo vilo pi, “Hi shilo eno nongu ye xülu nani, kughengu ni ye Alhou sümsa chenie:

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

JOB 31:12

ti ye Kithimi yeghi kutolo maha iqi tove kepu mi ke, I küakini kümtsü akuhu kutolo pitileve tsükulupu anie.

JOB 7:2

Aqemi lakhi no avela kicheqho khelho aketoi, aqekiqemi no ajume laju aketoi,

LESHELE 36:1

Axine no kixikilami mlo lo thonhei ishi pisü tsü cheni; pa müzülo Alhou sükümsa kühae.

LESHELE 81:8

O Iw timiqo, I no nongu vilo piputo akeu inilo! O Israel, nongu no pulo aghi aye I tsa inilo!

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

IPEKULU 1:17

Ikemu jukupunumi pama ye Alhou msave eno Egypt kükau no pama azah tsü ketoi shimove, eno kiptimiqo pelo xülupe.

IPEKULU 18:21

Tinguno alau, timiqo dolo shitsami, khunono Alhou sümsa cheni, pükhübekulu eno külügho mithi cheni keno titoi keqo phujulo, eno titoi keqo pelo qhethonhe shou, aqhe shou, lhopungu shou eno chighi shou atou shipelo.

IPEKULU 20:7

“Nongu ye adou lono Ampeu nongu Lhou je peitha moni, kughengu khuu no adou lono Pa je peithani keno Ampeu no pa shou akipimi benani.

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

ISAIAH 57:3

Ikemu nongu tuumi eno kütüqhalimi nuliqo, hilau kupunu ighilo.

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 27:10

Kughengu ti ye akimki lono nongu lau tungkuptsa piani, ti ye nongu pesü no yeghi lono putosüu hapuwuveni keu kiqi ke; I no nongu hapheve no nongu ye pühave nani.

JEREMIYA 27:9

Ikehu, now tungkupmi, tuumi, asamo kishimi, asheazü tsa kipimi, momu küdüumi, nongu vilo ‘Nongu ye Babylon kükau qemo nani,’ ipi chekeqo tsa ini kevilo.

JEREMIYA 29:23

kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

JEREMIYA 42:5

Panongu no Jeremiah vilo pi, “Ampeu no o vecheo azah ni tsükeu kümtsü ningu no papemo aye, Ampeu no ni shou kuchou eno pükhükulupu thopiu shi peniu.

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

ACHINE 20:10

“Timi lakhino aküsami Israelmi lakhi nipu sazüve aye, pa ngo atotiu gha pithiveni.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

MICAH 1:2

Inilo, nongu ashiaye kümtsü; amlo tsüqhiyilo, O ayeghi, eno tile akeqo kümtsü, Ampeu Alhou pelo Pa kimthe chineki lono nongu shou thopi shipelo.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

ZEKHARIA 11:12

Tileno I no panoqo vilo pi, “Hi no nongu ghenguno alokeu shi aghi aye, I jume I tsülo; ikemu tishimo aye, tipaqo qhiluve lo.” Eno panongu no I jume ghükayi shighi ahu shiphetsü.

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

MALAKI 2:14

Ikemu nongu no pi, “Pa ye kushiye ikhilu tsüamo kea?” Kughengu Ampeu no no eno o lhothe lo nipu, khuu puloshoqhi vecheo o nipu eno o tüna keghi nono li zülo pükhükümla shikeno, nokujo dolo thopi ke.

MALAKI 2:17

Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

Luke 23:40

Ikemu lakhiu no pa sakiyi pi, “Ningu aghime aphiphi shi akeghi no ye Alhou msamo keo?

Rommi 3:8

Eno kushiye, “Akivi ighi penike ningu alhoksa mlani nolo” ipi moni kea?—hi ye timi khami no küthakügha shi ningu no ishi picheni ipi ni shou xube chekeu tsae. Panongu kileqhive keu no achipie.

ZAKINIU 15:13

Nono pa pheve kelo au kümsa puwu moni.

ZAKINIU 18:10

Nongu tianuli pesü akiptia lono piti mlla moni; now timiqo ye hipaqo pepimhe moni, asakiqhi, asheazü tsa kipi, atumu, eno küdüu,

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 27:19

“‘Khukhumu kachenami, mighimi, eno chimemi chipiu shipühave tsükeu ye müsüinivae.’ Eno timi kümtsü no ‘Amen,’ ipini.

ZAKINIU 5:11

“‘Nongu ye adou lono Ampeu nongu Lhou je peitha moni, kughengu Ampeu ye adou lono Pa je peitha keqo akipimi tsünani.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

IBRIMI 13:4

Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

James 5:12

Ikemu I thiküzümiqo, kümtsü nguno alauno nongu ye kungugha, ayeghi, momu kiu kiumu pesü tushoqhi kevilo. Nongu ye “iyei” ipi aye iyei pilo eno “moe” ipi aye “Moe” pilo, tishianguno nongu shou küghathabe monani.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.