MALAKI 3:10 - Sumi Naga CL (Re-edited) Bible (BSI)

¹⁰ Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

BAIBEL (BSI)

¹⁰ Chighi sajelo lakhi akuchopu Achinekilo sughilo tishianguno tilehi achuqupu lukumkhashi apenike. Ipe julo eno nonguno ithulu nanike ino kungugha lashe khaqhi puzu thime kivi jeli kumtsu nibonilei nongu shou lepukutsu nani.

MALAKI 3:10 Iomraidhean Croise

BOTHUBO 28:22

eno atu hipau, khikhi I no atsükucho lakhi shi gho püani keno, ti ye Alhou ki shini. Eno Nono kiu I tsüni keno tipaqo kümtsü lo I no chighi saje O tsünie.”

BOTHUBO 7:11

Noah küxü mpe 600, aqhi akiniu, atsala chighiakütsüniu, tipani no akuthoku aghiu lono azüpuki kümtsü vephe ipeghi, eno atsütsü lasheqo kümtsü khaqhive.

KUKAMI AKINIU 7:19

Kepten huno Alhou timi khochile ke, “Alhou ampi no kungugha lono alashe mlani ke kumo aye, hi ye shilu nani keshea?” Eno pa no ishi pipüae, “Nono o nhethi no ti ithulu nani, ikemu no ye ti chulumo nani.”

KUKAMI AKINIU 7:2

Tile Kepten khuu bighi lo akükau no mungupe akeno, pa no Alhou timi vilo pi, “Alhou ampi no kungugha lo alasheqo mlani ke kumo aye, hi ye shilu nani keshea?” Ikemu pa no pi, “Nono o nhethi no ti ithulu nani, ikemu no ye ti chulumo nani.”

YEKIKITHI ATUGHIU 26:20

Itaghi Levi lagha lo Ahijah no Alhou kilo akini eno akümllagho thimeqo hekükütsüu shi,

NEHEMIA 12:44

Tipa tsalani achineki lo tüqhatüzü jeli, ghile hutüghüu, eno chighi saje kiqhi-a lo hekükütsümi süsüve. Ayezah lo aketoi panongu no mishiphu lo alu lono achinemi ngo Levimi saje pewo qhitsü, kughengu Judah timi no achinemi ngo Levimi shou amlokiqi ake.

NEHEMIA 12:47

Zerubbabel ngo Nehemiah pama ghuloki loye alephemi ngo khagho khemi ghenguno Israelmi kümtsü no tsalakipetsü achuqupu tsüche; eno panongu no Levimi saje ikhithape qhitsü; tihutoi Levimi no Aaron nuli saje ikhithape qhitsü cheke.

NEHEMIA 13:5

Tobiah ghenguno achebo lakhi achineki lo kutotsü. Ti ye inahuu athi kümllagho, müsüghüta, abohuqo, athi, atsaizü, eno thazü chighi saje sükeqo pekütsü pesü azakütsü lono Levimi, alephemi, khagho khemi, eno achinemi ghenguno qhiche keu chebo ke.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

LESHELE 78:23

Ikemu Alhou no kunguu atsütsü azah tsü eno atsütsü hukikha khaqhive tsüe,

YETSAPIU 11:3

Khüngküsü no azü likhive aye, ayeghi shou ghuqhive cheni, asübo ye apeu ilaqi na ahuu ilaqi namu tipa-a lo likhi anani.

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

EZEKEL 44:30

Axathi amsüu jeli kümtsü eno akümllagho jeli kümtsü achinemi sala shini. Nongu no asho kunu keu atüghüu pesü achinemi tsülo, tishianguno nongu kibo lo kükümgha apenie.

HOSIYA 2:21

“Tipani I no khochile nani, Ampeu no shuphe ani, I no atsütsü khochile nani, panoqo no ayeghi khochile nani,

JOYIL 2:19

Ampeu no Paw timiqo khochile no pi, “Julo, I no nongu lau athi, atsaizü, eno thazü puwu tsü ani, nongu no aghakiqi shilu nani; eno Ni ye nongu pesü shiyeqo zülo atichepu shive pemoae.

JOYIL 2:24

“Aniqa lo athi no chhive nani; atughukoqo lo atsaiji ngo thazü no yeli-qole nani.

ACHINE 26:10

Now ghile no apolu kehu akiye chukhamla aphi lono ghile lupusü ighi kelo aqau ye peve nani.

ACHINE 26:3

“Nongu no Iw pimheye pape eno I zakütsü gholu no tipaqo pelu aye,

ACHINE 27:30

“Athi na, axathi namu ayeghi lo pekighi kümtsü chighi lo saje lakhi ye Ampeuw ke.

HAGAYI 2:19

Ale lo itaghi athi aphi keshea? Mtsüqheino atsaibo, mububo, khaghatubo eno olivebo ye kiumu pithi move ke. Ikemu atsala hipau lono huthu no I no nongu kümghatsü nani.”

AKIKIHI 18:21

“Israelmi no chighi saje tsükeu pesü I no Levi laghami mheghi shitsü ani. Hi ye kuposhukulu phiki lo hukuthu kümla shikeu jume ke,

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

ZAKINIU 12:6

Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.

ZAKINIU 14:22

“Ampe atsütsü nongu lulo pekighi kümtsü chighi saje tsüni.

ZAKINIU 14:29

Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.