MALAKI 2:17 - Sumi Naga CL (Re-edited) Bible (BSI)

¹⁷ Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

BAIBEL (BSI)

¹⁷ Nongu tsa kuzano AMPEU ye angaghaive apeke. Ikeghi nonguno ishi inijuke, “Ninguye kishi puzu pa ngaghaivepe kya?” Ishi pikeu lonoke: “Aqokitikhi MPEU ye alhoksa kumlami kumtsu akivi kepi kumsu cheni; kuchouno paye panoqo lau alokivishi acheni.” Momu ishi pikeu lonoke: “Alhou amikuchou kepi chekeu huye khile ani kya?”

MALAKI 2:17 Iomraidhean Croise

JOB 34:17

Achipiu mithi chekemi ye ayepe lunani keshea? Akipimi pesü Achipiu eno Akumtou tsüni keshea?

JOB 34:36

Job no kixikilami paphishi khochile kehu pa vehu hipau ye ashekha kutolo süpushu peju apenishie na.

JOB 36:17

“Ikemu kixikilami shou iku kepu ghime nono xapu auvae; küghakütha ngo achipiu xakütha no o tsüqü luvae.

JOB 9:24

Ayeghi pesü küsaküghami u lo süvetsü cheni; Pa no küghaküthami nhethi kiyikhave tsücheni, Pa no kumo aye khuu no kea?

YETSAPIU 8:11

Küsakügha kümla shou ke-i xakütha tsümoke ghenguno timi mlo lono alhoksa shinike kughuuve cheni.

ISAIAH 1:14

I ngulho no now aqhi kithe eno ampelo tiqhetini jeliqo mithie; tipaqo ye I ghenguno amakhoe, Ni ye tipaqo xapu keno lhovae.

ISAIAH 29:15

Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 43:22

“Ikeghi O Jacob, nongu ye I lau ighamku moe; eno I ju angaghai auve ke.

ISAIAH 43:24

Nongu ye I ghenguno tsüngqüi keu ta qhümphie, momu now lhoxü tha pesü I ghapiqi tsümphie. Ikemu nongu xine pesü I qaqhie; nongu no akumou shikeu no ingaqhi püani.

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 17:15

Julo, panongu no I vilo pi, “Ampeu tsa khile ani kea? Itehi ighi pelo.”

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

EZEKEL 18:25

“Ikeghi nongu no pi, ‘Ampeu laghi ye achipi kumoe.’ Itehi inilo, O Israel laghami: I laghi ye achipiu kumo keshea? Nongu laghiqou no achipikumo ke kumo?

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

AMUS 2:13

“Julo, mishikulu no athi xapu ayeghi nedasü ketoi I no nongu-a lono titoi nedasü nani.

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,

MALAKI 2:14

Ikemu nongu no pi, “Pa ye kushiye ikhilu tsüamo kea?” Kughengu Ampeu no no eno o lhothe lo nipu, khuu puloshoqhi vecheo o nipu eno o tüna keghi nono li zülo pükhükümla shikeno, nokujo dolo thopi ke.

MALAKI 3:8

Timi ye Alhou pükaqhilu nani keshea? Ikemu nongu no I pükaqhi ke. Ikeghi nongu no pi, ‘Ningu ye kishi O pükaqhive kea?’ Nonguw chighi saje eno akümllagho lono ke.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.