MALAKI 2:15 - Sumi Naga CL (Re-edited) Bible (BSI)

¹⁵ Pa no pama pesü ashi aghungu lakhishi küqhatsü kekumo keshea? Eno Alhou ye tipau vecheo kiu phucheni kea? Alhou sükümsa lagha. Ikehu nongu ye aghungu lono jukuto alo, eno nongu dolo khumu nongu lhothe lo nipu lau pükhükümla shi kevilo.

BAIBEL (BSI)

¹⁵ Alhou ye opelo li sasu ashi aji lakhi anguagha lakhi shitsuke kumo kesha? Paye hipaulo kiu kumsupu puzu tishitsu kya? Tiye nonguno atianuli lhokeqo pelo kuchouno Alhou wu timi shipeniye ke. Tighenguno nongu gholo khunomu pututa nipu lau tushoqhive keu kubo kevilo.

MALAKI 2:15 Iomraidhean Croise

BOTHUBO 1:27

Ikehu Alhou no Pa ampi julho lono timi pulhosü, Alhou ju kimihi lono Pa no timi pulhosü; Pa no kiptimi ngo totimi pulhosü.

BOTHUBO 2:7

tileno Ampeu Alhou no achhigha lono ayeghimkhu pesü timi kughulho eno pa nigipe lo aküxüpu tuthu shesü tsü, eno timi huno aküxüküa lhoxü shive.

BOTHUBO 24:44

khuu no, “Yelo, eno I no ow sayeshi ghengu ghi shophe tsünie,” ipi I vilo pini keno, tino Ampeu no kimshi tsükeu I mpeu nu nipu shi aghi pelo.’

BOTHUBO 27:46

Tishino Rebekah no Isaac vilo pi, “Hittimi totimi ghenguno ni ye I küxü azüzüvae. Tsala Jacob no aphughi hipau lo Hittimi totimi lakhi luve aye, I ghenguno I küxü ye kiu akivi anani kea?”

BOTHUBO 6:2

Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu.

EZRA 9:4

Tishino I no avela ghakishi kutolo apuchopungo iqa akelo Israel Lhou tsa chilu no khokhoshi chekeqo no akughu lono ideighi kemi küpülü küküha ghenguno I sühope ngove.

NEHEMIA 13:24

Eno pano tianuliqo tüxa ye Ashdodmi tsa piuve eno Judah tsa ye pimla, ikemu pütüta tsa likhi pi aghi.

JOB 27:3

I no aküxü ake tivilo eno Alhou tuthu no I nigipe lo ake tivilo,

IPEKULU 20:14

“No ye shupu salha moni.

AHOLE 2:17

li ye Alhou zülono puloshoqhi shikeu kümsümave no li lhothe lo kimi pheve cheni;

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

AHOLE 6:25

Khilemu o mlo lo liw jukivi mine kevi eno liw ghaghu nhethi no o müsü luvepe kevilo;

AHOLE 7:25

Totimi tikithipu küdau nongu mlo kughopuwo kevilo; ala vepimipe li la lo wuve kevilo,

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

JEREMIYA 2:21

Tishimu akighiche tsaibo, qhoi tsüghükhüi keu piti toi I no o shosü ke. Imaye kishino no ye tsüuve no aghalo tsaibo shive kea?

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

ACHINE 20:10

“Timi lakhino aküsami Israelmi lakhi nipu sazüve aye, pa ngo atotiu gha pithiveni.

MALAKI 2:14

Ikemu nongu no pi, “Pa ye kushiye ikhilu tsüamo kea?” Kughengu Ampeu no no eno o lhothe lo nipu, khuu puloshoqhi vecheo o nipu eno o tüna keghi nono li zülo pükhükümla shikeno, nokujo dolo thopi ke.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

John 20:22

Pa no hipau pive kethiu panoqo shou atuthu shepuku no pi, “Aghungu Kimthe sasü lulo.

Apostolmi 3:25

Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

1 Kor. 7:14

Kughengu aküpülü kumo akimi huye pa nipu vecheo akimthe shiluve nani, eno aküpülü kumo anipu huye li kimi vecheo akimthe shiluve nani. Tikumo aye no tianuli ye mithekumo shiniae, ikemu itehi panongu ye ikhikulupu shiani.

1 Kor. 7:2

Ikemu kipti-toti dolo mithekumo ghukuju ghenguno kiptimi kümtsü pütüta nipu akepu eno totimi kümtsü pütüta kimi akepue.

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

Ephesiami 6:4

Apunoqo, nongu tianuli mlo shikighide tsü kevilo, ikemu Ampeu no kütsü shika eno qophe chekeu ghola lono panongu saputhu lo.

ZAKINIU 7:4

kughengu panongu no pano lhou mlla peniye I launo no nuli sawuve tsü nanike. Tileno Ampeu mlo kighide nongu shou ikughi nani eno Pa no paikhavi no nongu kütsave nani.

Titus 1:6

Kichimi lakhi ye tukutiye küha kemi, anipu lakhi akemi, pa tianuli ye küpülümi shimasae, eno ghasü kümla momu aghokulu kumo shimoni.

RUTH 4:12

eno Ampeu no totimi alhothe hipau vecheo alagha kughuko tsüniye akeu ghenguno o ki ye Perez, khuu Tamar vecheo Judah punu tsü keno titoilu peniu.”

SAMUEL ATUGHIU 2:20

Tishino Eli no Elkanah ngo pa nipu kümghatsü no piche, “Li no Ampeu vilo khu ketoi, Ampeu no totimi hipau vecheo anuli o tsü peniu.” Tishino panongu ye aki lo ide woveche.