MALAKI 1:10 - Sumi Naga CL (Re-edited) Bible (BSI)

¹⁰ O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

BAIBEL (BSI)

¹⁰ Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

MALAKI 1:10 Iomraidhean Croise

KUKAMI AKINIU 12:6

Ikemu Joash yepe mpe muku aküthüu shivemu achinemi no achineki lo kumu shikithe moe.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.

MALAKI 2:12

Alaghami dolo khukhumu hipa gholau no akümllagho pesü aqokitikhi Mpeu tsükeu ye Ampeu pelo Jacob phiki lono ikhive peni!

MALAKI 2:13

Thime akiniu hipau nongu no shi ani. Nongu no ighamku eno qakeu nhezü kipiji vecheo Ampeu kümlla khache pütsü cheni, kughengu Pa no nongu kümllagho kihi tsüamo momu nongu u lono kimiyeqhiyi ti ikhilutsü amovae.

John 10:12

Aqekiqemi ye akheu kumo eno ambe kipighiu kumo kehu, kughou tüngtügha cheghi keu ithuluni keno pa ye ambeqo qhive no pove cheni, eno tüngtügha no ambeqo tsüqü luve no hapiyepighive cheni.

1 Kor. 9:13

Khunono achineki kümlapu lo ani keno, achineki lono pano chuqupu ithulu cheni, eno akiptia lo hukuthu kümlami no aghakishi kümllagho lono asaje ithulu cheni pi nongu ye mtha keshea?

FILIPIAMI 2:21

Kughengu kümtsü no Jisü Khristo lopu kumono pütüta pulou phucheni.

IBRIMI 10:38

ikemu Iw amikuchomi ye aküpülü lono xülu nani, eno pa no athiu idewove aye ni ye pa shou I lokiqi kühave nani.”

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;