Luke 8:33 - Sumi Naga CL (Re-edited) Bible (BSI)

³³ Tüghamiqo no timi hu philono ipeghi no awoqo philo ilove, eno awo loji ye atuxu lo kohasü iqive püzü tilau no azüghi lo ikiqi ilo pütsüqhi khave.

BAIBEL (BSI)

³³ Ikehu tughakusano timi phi lono ipeghino awo philo ilove; eno awoqo kuchopu atuxu kudau kohakive susu aizukucholo ilo putsuqhive.

Sümi Tiqhelimi Bible

³³ Kughou tüghaküsaqo no timi phi lono ipeghive keno awoqo phi lo ilove; eno awo kümtsü atuxu lo kohakive iqive no ayizükucho lo ilove püzü pütsüqhi khave.

Luke 8:33 Iomraidhean Croise

MATTHEW 8:32

Eno Jisü no panoqo vilo pi, “Wulo.” Ikehu panoqo no ipeghive püzü awoqo philo ilove, eno julo, awo loji huye atuxu lo kuhakive iqive no tilauno azüghi lo ikiqi ilo pütsüqhi khave.

Luke 5:1

Ghuthu lakhi lo Jisü no Gennesaret yizükucho phivilo puthugho akelo aqokitikhi no Alhou tsa ininike pa lau kikiyi kuko iloghive.

Luke 8:32

Tipa tüqhüdo lo naghuto qhau awo loji kije no achu mzasü cheghi kehu panoqo no pa vilo awoqo philo ilove penike qhüiniju. Ikehu pa no pulove tsü.

Luke 8:34

Kiu shive keno awo khemi no qhoi ithuluve no powo aphughi eno acheaxü lo pikülhave tsü.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

Piyeküsü 9:11

Akuthoku lo kungumi akeu huno panongu shou akükau shiae. Hebrew tsau pa je ye Abaddon, eno Greek lo ye Apollyon ke.