Luke 8:15 - Sumi Naga CL (Re-edited) Bible (BSI)

¹⁵ Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

BAIBEL (BSI)

¹⁵ Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

Sümi Tiqhelimi Bible

¹⁵ Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

Luke 8:15 Iomraidhean Croise

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

AHOLE 3:1

I nu, I kükütsü kümsüma kevilo, ikemu o mlo lo I zakütsüqo qhilo,

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

MATTHEW 24:13

Ikemu khuu no ashekha kutolo kutuu luni keno xaluve nani.

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

Luke 6:45

Akivimi lakhi ye alolo akivi kike püakeu lono akivi mlaphe cheni, titoi alhoksami ghi alolo alhoksa kike püakeu lono alhoksa mlaphe cheni, kughengu alou amlo lo kupukuno shi akeu akichi lono piphe cheni.

Luke 8:14

Asahuli lo ikiqi keqo ye Atsa chiluve kemi, ikemu ayeghi xülou azüvü keu, küakini kimne eno ashi ghakiqipu küxü huno panongu no wuche keu la lono ghüsüve, eno pano xathi ye nimove cheni.

Luke 8:16

“Khunomu akulu küqüpe ali no qhove chemo momu alüpa qhou qhive chemoe, ikemu akibepu shou qhi cheni, tishikeu lono aki lo iloghi kemi no aküvü ithulu cheni.

John 14:15

“Nongu no I kimiye aye, I zakütsüqo pape nani.

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 6:22

Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

Rommi 7:18

I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

Rommi 7:4

Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

Ephesiami 2:8

Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

James 1:4

Ikehu tsaqütsalei keu küka no kupukülai lupelo, tishianguno nongu ye thokha kupukülaive nani eno kiu lonomu zülamo nani.

1 John 2:3

Hipau vecheo ningu no ithilu keu ye tsala ningu no Alhou zakütsüqo pelu aye ningu ye Pa ithitoi luvae.