Luke 6:7 - Sumi Naga CL (Re-edited) Bible (BSI)

⁷ Phariseemi ngo Ayezah shikükami no akipimi pesü Jisü tsülu kepu laghi phu akehu pa ye Sabbath lono shipivi nani kemo keno jua.

BAIBEL (BSI)

⁷ Ayezah kukutsumi eno Farisimino Jisu no apinyenilo shipivi nani keo mokeno pa jukuto-ae, tishianguno panonguno pa nguku kepu akiqi phuluniyeke.

Sümi Tiqhelimi Bible

⁷ Phariseemi ngò ayeza kükütsümiqo ye akipimí Jisü tsü niye ajeku phuju akehu Jisü ye Sabbath tsalà lo shipivi nani keo shipivimo nani keno tsaqüi chheju ae.

Luke 6:7 Iomraidhean Croise

LESHELE 38:12

I küxü phuche kemi no alichhe thepe qhitsüe; I ghüza niye phuche kemi no kütsakungo tsa picheni eno atsala kupuju pishiqhi nike kümsükutho cheni.

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

MATTHEW 5:39

Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

Mark 3:2

Timi khami no akipimi Jisü tsüniye pa ye Sabbath lono timi hu shipivi nani kemo keno jukutoa.

Luke 13:14

Ikemu Jisü no Sabbath lono shipivie pikeu huno sinagog yepeu gha shikighidepe timiqo vilo pa no pi, “Akümla shikepu aghi keu ye atsala tsügho dolono mla cheni. Sabbath tsala lou no kumono tipaqo tsala lou no ighi no shipivi lulo.”

Luke 20:20

Ikehu panongu no tsaqüi pa jukuto akelo timi khami pelo amlo tsüqhiyi kemi toi pa tsa ini penike puwu, tishianguno pa no kiuala pikeu lono pa mepe angh qholo yepemi tsüve niye ke.

John 9:16

Phariseemi khami no pi, “Timi hipau ye Alhou launo ighimoe kughengu pa ye Sabbath yezah hebide ke.” Ikemu kütami no pi, “Axinemi lakhi ye kishino amchipu hipaqo shiluni kea?” Eno panoqo dolo kijetha ipeghive.